د کمپیوټر زده کړي، له کورس څخه ۱۳۰ محصلان فارغه او د خاصو مراسمو په ترڅ کښي فراغت لیکونه ورکول سول

kdru_admin
پنجشنبه ۱۴۰۲/۱۰/۲۸ - ۱۱:۴۵
د کمپیوټر زده کړي، له کورس څخه ۱۳۰ محصلان فارغه او د خاصو مراسمو په ترڅ کښي فراغت لیکونه ورکول سول


د شنبې په ورځ، د کندهار پوهنتون د غونډو په عمومي تالار کښي، د کمپیوټر مدیرت او آفیس زده کړي له پروکرامو څخه ۱۳۰ محصلان له دوه میاشتني زده کړو وروسته فارغه سول، چي په همدې موخه د محصلانو د خدماتو او انسجام آمریت د فراغت شانداره مراسم ور ته جوړ کړي ول، چي پکښي د کندهار مسئولان او سلونه محصلان حاضر ول.

 

په همدې موخه جوړه سوې غونډه، چي د قرآن کریم د څو مبارکو آیاتو په تلاوتولو پېله سوه، په سر کښي د کندهار پوهنتون رئېس م.اکرم شاه عاصم ټولو فارغانو ته مبارکي وویله، د کمپیوټر زده کړي د ارزښت د بیانولو ترڅنګ ئې په خپلو خبرو کي وویل: اوس الحمدالله؛ الله جل‌جلاله ټولو ته د ښه خدمت کولو زمینه برابره کړې، راسئ ځوانانو ټول په ګډه د نظام، هیواد او ټولني پرمختګ ته ملا وتړو او ټول ېو او بل ته د ورورولۍ لاسونه سره ورکړو.

 

ورپسې د کندهار پوهنتون د محصلانو چارو مرستیال م. نور احمد ایوبي تېر ېو کال کښي، د پوهنتون په سطحه د خپلو فعالیتو او لاسته راوړنو راپور شریک کړل، چي په خبره ئې، تېر کال کښي زرونه محصلانو ته مختلف علمي او مسلکي د ظرفیت لوړوني سیمینارونه او ورکشاپونه دائر سوي، او هم ئې دوی ته، د علمي سېر کولو، د عملي کارو او په ورزشي برخو کښي بېلابېلي آسانتیاوي رامنځ ته کړيو چي لا به هم دا لړۍ ادامه ولري.

 

د ویناؤ وروسته، ټولو فارغو سوو محصلانو ته د فراغت تصدیق پاڼي ورکړل سوې او غونډه د دؤعا په کولو سره پای ته ورسېدله.

تازه خبرونه

پنجشنبه ۱۴۰۳/۳/۳ - ۸:۴۶
Background image

(Google Forms) په نوم ورکشاپ دائر کړل سو

د (Google Forms) په نوم ورکشاپ دائر کړل سو

د یکشنبې په ورځ، د کندهار پوهنتون د مسلکي او پرمختيايي مرکز د غونډو په تالار کښي، د یاد مرکز آمر پوهنمل عطاءالله محمدي د (Google Forms) په. . .

پنجشنبه ۱۴۰۳/۳/۳ - ۸:۳۳
Background image

د کیفیت پیاوړتیا څېړنیز سمپوزیم دائر سو

د دوشنبې په ورځ، د کندهار پوهنتون د غونډو په عمومي تالار کښي، اقتصاد پوهنځي، د مهمند نړۍوال ۲۰۰ بستریز روغتون د ناروغانو د رضایت تعینوونکي عوامل اړوند څېړنیز سمپوزیم وړاندی کړ، چي پر. . .

پنجشنبه ۱۴۰۳/۳/۳ - ۸:۲۷
Background image

د سميسټر نهايي آزمویني پېلي سوې

د سې شنبې په ورځ، د کندهار پوهنتون د آزمویني د انسجام او تفاهم کمېټې د پرېکړي سره سم، د ۱۶ اونیو تدریسي او زده کړیز بهیر د خلاصېدو سره، د کندهار پوهنتون د ټولو پوهنځيو نهایي آزمویني. . .

BACK TO NEWS