اقتصاد

سریزه

د اقتصاد پوهنځي لخوا د دې کتلاک د وړاندي کولو څخه موخه د اقتصاد د علم په ارزښت، د اقتصاد پوهنځي د فعالیتونو په ځانګړتیاوو، او د زده کړې لپاره د رامنځته سوو فرصتونو په اړه د معلوماتو شریکول دي. زموږ پوهنځی د هیواد او نړیوالو اړتیاوو په پام کې نیولو سره د اقتصاد د علم پرمختګ ته ژمن دی او د اقتصادي ستونزو د حل لپاره د نوښتګر فکر او څیړنیز کار ترویج ته ځانګړې پاملرنه کوي.

په دې کتلاک کي به تاسو زموږ د پوهنځي د لیرلید، رسالت، اهدافو، تحصیلي نظام، څانګو، د هري څانګي اړوند استاداتو، تعلیمي پروګرامونو، څیړنیزو امکاناتو، اکادمیکو لاسته راوړنو، او هغه امکاناتو په اړه معلومات ومومئ چې زموږ محصلینو ته د مسلکي ودې او راتلونکي پرمختګ لپاره زمینه برابروي.

موږ باور لرو چي اقتصاد د ټولني د پرمختګ او هوسایني لپاره بنسټیزه ونډه لري، او زموږ هدف دا دی چې محصلان داسي وروزو چې دوی د هیواد د اقتصادي پرمختګ په پروسه کي مثبت بدلونونه رامنځته کړي.

په درنښت

د اقتصاد پوهنځي رئیس

پوهنیار عبدالله زیارمل

د کندهار پوهنتون د اقتصاد پوهنځي لنډه پېژندنه

د اقتصاد پوهنځي تاريخچه

د کندهار پوهنتون د اقتصاد پوهنځی د سهیل لویدیځي حوزې د اړتیاوو او د موجوده اقتصادي ستونزو د حل لپاره  د کرهڼي، طب، انجینري، ښوونه او روزنه او شرعیاتو پوهنځیو څخه وروسته په ۱۳۸۸کال کي تاسیس سول او په ۱۳۸۹ کال کي د پوهنتون په تشکیل کي شامل چي په لومړي سر کي یوازي د منجمنټ او تشبثاتو اداري څانګه فعاله سول او په تدریس يې پیل وکړ. و نوموړی پوهنځي ته د لومړي ځل لپاره په ۱۳۸۹ کال کي د لوړو زده کړو وزارت د کانکور ازمویني له لاري ۱۱۷ تنه محصلین د لوړو زده کړو په موخه معرفي سول چي د هغوی له ډلي دوې تنې ښځینه او ۱۱۵ تنه نارینه  محصلین ول. د پوهنتون د مشرتابه د هلو ځلو او زیار په پایله کي د اقتصاد پوهنځي لپاره په ۱۳۹۱ کال کي تعمیر جوړ او د ګټي اخستني لپاره چمتو سو. دغه پوهنځی د تاسیس څخه وروسته په پرله پسې توګه په مختلفو څانګو کي محصلان جذب کړي دي، چي  تر اوس مهاله یې ۱۱ دورې فارغان ټولني ته د خدمت لپاره وړاندي کړي دي. همدارنګه دغه پوهنځي د شپې برنامه هم لري چي په ۱۳۹۲ کال کي د اقتصاد شپې پوهنځی منظور او د ۵۵ تنو محصلینو په جذب سره یې په تدریس پیل وکړ، چي اوس مهال د اقتصاد پوهنځي دوه وخته (ورځي او شپي) پوهنځي لري چې یوه څانګه (منجمنټ او تشبثاتو اداري) په تدریس بوختي دي او پاته څلور څانګي د ظرفیت لوړوني په حالت کي قرار لري.

د اقتصاد پوهنځي د موجوده امکاناتو په نظر کي نیولو سره په دې توانیدلې چي ټول هغه محصلین چي د لوړو زده کړو د وزارت له لوري اقتصاد پوهنځي ته ورپیژندل کیږي په منظمه توګه جذب او لازمي تحصیلي اسانتیاوي ورته برابري کړي. سربیره پر دي د انیستیتوت (۱۴ پاس)

څخه فارغ سوي محصلان هم دوهم ټولګي ته د کانکور د ازمویني لخوا جذبیږي.

لنډیز

 اوس مهال نوموړې پوهنځي په خپل تشکیل کي لاندي څانګي لري:

•  منجمنټ او تشبثاتو اداري څانګه
• ملي اقتصاد څانګه
• انترپرونیورشیپ څانګه
• مالي او بانکي څانګه
• احصائیه او ايکونومتري څانګه

لیرليد:

د اقتصاد پوهنځي به په ملي او سيمه ایزه کچه د اقتصاد په اړوند څانګو کي د مسلکي او په کار پوه فارغانو په روزولو سره سیاله پوهنځي و اوسي.

رسالت:

اقتصاد پوهنځي د معياري تحصیلي نصاب په درلودلو سره، په ملي اقتصاد، احصائيه، بانکداري، اينټرپرینيورشيپ او مديريت  برخو کي د ټولني د اړتياو او د سیمي د بازار مطابق په کار پوه او وړ تحليلوونکي او نوښتګر محصلان روزي.

اهداف:

۱- د ټولني د اقتصادي اړتياوو په نظر کي نيولو سره د تقاضا او عرضې تشخيصول.

۲- د استادانو، اداري کارمندانو او محصلينو علمي او مسلکي وړتيا لوړول.

۳- په هر اقتصادي سيستم کي د سالم او اړين حالتونو تشخيصول.

۴- د مرکزي بانک او دولتي پاليسیو په اقتصادي اهميت باندي پوهېدل.

۵- د احصائيوي او رياضيکي ماډلونو څخه په استفادې د اقتصادي ستونزو تحليل او تعريفول.

اساسي ارزښتونه:

۱: د پوهي ايجاد او لاسته راوړنه                                

۲: د پوهي پلي کول

۳: مسليکتوب

۴: همکاره او همايوي اکادميک چاپيريال

۵: د پوهي ساتنه او انتشار

۶: د حقايقو پلټنه

۷: فکري همږغي

۸: د نظرياتو انتقال

۹: اوږد مهاله زده کړه

۱۰: فکري آزادي

۱۱: څېړنيز مرکز

د اقتصاد پوهنځي امکانات)زېربناوي):

• داقتصاد پوهنځي ځانګړی رياست، اداري معاونيت او تدريسي مديريت لري چې د ميزونو او چوكيو برسيره د انترنيت اسانيتاوي هم شتون لري. يوه پايه د فوتو كاپي ماشين او يوه پايه كمپيوتر د چارو د سمون لپاره په هر دفتر كې موجود دي. اداري څانګي ټول په ايركنډيشنو الماريو او فرشونو سمبال دي او ددې ترڅنګ هر تدریسي بلاک په فرشونو پوښلی. ددې سره سره اقتصاد پوهنځي د درسي کیفیت د لا سمون او لوړاوي په موخه په هر صنف کې LCD سکرینونه نصب کړل او اوس مهال د پروجکتور پر ځای استفاده کیږي. همدارنګه اقتصاد پوهنځي د خپلو محصلانو د علمي ظرفیت د لوړېدلو په پار په هر تدریسي او اداري بلاک کې ښیښه ایز او دیوالي پوسترونه نصب کړي دي، ددې سره سره د پوهنځي د داخلي سمسورتیا لپاره د پوهنځي د ودانۍ په مختلفو برخو کې ګلدانۍ ایښودل سوي او وخت او اړتیا مطابق يې حفظ او مراقبت ترسره کیږي

د اقتصاد پوهنځي تدریسي مدیریت

• د پوهنځي په لاندني پوړ كې شپږ تدريسي اطاقونه په تدريسي لومړنيو وسايلو لكه پروجکتور( مولتي ميډيا) ميز، چوكي، باد پكو، LCD  سکرینونه او نورو  مجهز دي، لري.
• داقتصاد پوهنځي پنځه فعال واړه ديپارتمنټونه په ځانګړي ډول  ښه اطاقونو کي داسي تنظيم سويدي چي هر ديپارتمنت ته جلا ځاى وركول سوی، ايركنډيشن يخچال، المارۍ او د انترنيت سهولتونه پکښي موجود  دي.
• د كنفرانس یو هال د پوهنځي په داخل كې د پوهنځي د رياست او استادانو په همكاري فعال سوی دی چي د ميزونو او چوكيو برسيره مولټي ميډيا میز، سكرين، پردې او د باد پكو سهولت هم لري، چي د اړتیا په صورت کې د ګروپي کارونو د ترسره کولو، د Guest Lectureres په واسطه د لکچر د ارایې او همدارنګه د محصلانو د څېړنو د دفاع لپاره استفاده کیږي.

• اقتصاد پوهنځي د محصلانو د علمي کچي د لوړولو لپاره داخلي مجهز کتابتون لري چي محصلان د خپل مسلک اړوند د ضمني مطالعې لپاره ورڅخه وخت په وخت استفاده کوي.

• همدارنګه د اقتصاد پوهنځي د خپلو علمي پروګرامونو د ترسره کولو لپاره د پوهنځي د عمومي ودانۍ څنګته یو په کافي اندازه لوی او په وسایلو سمبال لیکچر هال فعاله کړ. یاد کنفرانس هال، چي د زیاتو هڅو په پایله کې فعاله او د استفادې وړ وګرځېد، د ښه او روښانه لايټینګ سیستم، پردو، او پوډیمونو په درلودلو سره د ۲۰۰-۲۵۰ تنو د ځایولو ظرفیت لري.
• د محصلينو د بدني ودي او فکري پياوړتيا لپاره د فوټبال، واليبال او کرکټ لوبډلي جوړي سويدي. همدارنګه محصلينو ته علمي سير او د ذهني ازمويني پروګرامونه هم برابر سويدي.
• دکريديت سيستم دنوي کريکولم اومفرداتو له مخي تطبيق سوی دی.
• د استادانو د لكچر نوټونو د برابريدو او كاپي كيدو سهولتونه موجود دي او په هر سمستر کي نوي لكچر نوټونه ورته كاپي كيږي.
• د اقتصاد پوهنځي استادانو زيات تدریسي کتابونه په پښتو ژبه تأليف، ژباړلي او لکچر نوټونه ترتيب کړيدي. لکه نړیوال اقتصاد، تهیه او تداروکات، د اقتصاد اساسات او اقتصادي حقوق او داسی نور لکچرنوټونه يې په پښتو ژبه ژباړلي دي.
• د پوهنځي ټول استادان د هر سمستر انفرادي عملیاتي پلانونه لري.
• د پوهنځي بروشورونه د عامه پوهاوي په موخه چاپ سوي.
• اقتصاد پوهنځي او څانګي پنځه کلن ستراتیژیک پلانونه لري.
• د پوهنځي د درسي نصاب د تطبیق او نظارت کمېټه منظم کلنی پلان لري.
• د پوهنځي او څانګو په کچه د اسنادو منظم فایلینګ سیستم وجود لري.
•  د اقتصاد پوهنځي د بریښنایي زده کړو یو مسلکي کاري کمېټه جوړه سوې ده، چی هغوی د پوهنځي د ټولو کارکوونکو سره پدې اړه همکاري کوي، په ټولګیو کی پروجکتورونه نصب سوي دي، ټول استادان د عصري وسایلو سره بلد او کار ورڅخه اخلي، د کمپیوتري مضامینو لپاره اسانتیاوي برابري سوي دي، د بریښنا نوی سیستم وجود لري .
• د اقتصاد پوهنځي یو مجهز څېړنیز مرکز لري چي څرګنده لیرلید او رسالت درلودونکی او ورسره د څیړني منظمه کمېټه لري چي د استادانو او څلورم ټولګي د محصلانو د څیړنو د پاره منظم پلانونه طرح او پلی کوي.
• د شپې پوهنځي د پاره نوي د شمسیانو بریښنايي سیستم جوړ سوی دی، کمپیوتر لېب د څلورم ټولګي د محصلانو لپاره تیار سوی دی، ترڅو وکولای سي د SPSS تدریسي پروګرام د نظري زده کړي ترڅنګ عملا هم تمرین کړي. د پوهنځي د بریښنایي زده کړو کمېټه د لا زیاتو اسانتیاوو په لټه کي ده.

د اقتصاد پوهنځي  علمي برنامې

د ( کندهار) پوهنتون د ( اقتصاد ) پوهنځي کښي د ( منجمنټ او تشبثاتو ) علمي برنامه د ( افغانستان) له پاره د مسلکي او متخصص کادرونو د روزني په منظور ايجاد سوې ده. په همدي اساس د ( منجمنټ او تشبثاتو ) علمي برنامه هغه شخص د خپل فارغ التحصيل په صفت پيژني. چي ( ۱۵۳) کريډيتونه په يوه تحصيلي دوره کي چي د ورځي لخوا په څلور کاله ( اته ٨ ) سمسټرونو کښي پوره او د پوهي، مهارتونو او روش (سلوک) په برخو کي د لاندي شرايطو درلودونکي وي.

1. د پوهي او علم برخه: د ( منجمنټ او تشبثاتو) علمي برنامې فارغ التحصيل بايد په دې وتوانيږي چي د لسانس په کچه پر (د دولتي او خصوصي سکتور د ودي پر لارو چارو، د اقتصادي ستونزو په پيداکولو، تحليل کولو او حل لارو) موضوعاتو باندي حاکم وي، ترڅو وتوانيږي چي د (اقتصادي او مديريتي) متخصص په صفت په ټولنه کي د کار کولو وړتيا ولري.
2. د مهارتونو برخه: (د منجمنټ او تشبثاتو) د علمي برنامې فارغ التحصيل هغه شخص دى، چي حد اقل له Microsoft Office, SPSS, او الکترونيکي تجارت سره اشنا او په دې برخه کښي د خپلو ستونزو د حل توانايي ولري.
3. د کړنو او چلند برخه: ( د منجمنټ او تشبثاتو) د علمي برنامې فارغ التحصيل هغه شخص دى، چي د(د مديريت، محاسبې، کوچني او لوى اقتصاد او نورو) تخصصي او مسلکي مضامين د هيواد د نافذه قوانينو په احترام، اکاډميک اصولو په رعايتولو، وطن دوستۍ او د اسلامي، انساني او اخلاقي ارزښتونو په نظر کي نيولو سره يې ترلاسه کړي، ټولو دغه ارزښتونو ته ژمن او د هر ډول تبعيض او تعصب څخه پاک وي.
4. د اقتصاد پوهنځي د منجمنټ او تشبثاتو اداري څانګه په نوي درسي نصاب ( کريډيټ سيستم) برابره ده کله چي د لوړو زده کړو وزارت له خوا د کندهار پوهنتون اقتصاد پوهنځي ته محصلین معرفي سي په همدې څانګه کي یې په اول او دوهم ظرفیت کی جزبوي، چي په لاندي جدولو کي ښودل سوي دي.

د اقتصاد پوهنځي د ورځي (اول ظرفیت) ته د معرفي سوي محصلینو جدول

(سرچینه ...د اقتصاد پوهنځی تدریسی مديریت)

د اقتصاد پوهنځي د ورځي د محصلینو جدول چي اوس په زده کړه بوخت دي:

 (سرچینه ...د اقتصاد پوهنځی تدریسی مديریت)

د اقتصاد پوهنځي د ورځي پوهنځي د فارغ محصلانو ارقام

په ۱۳۹۳کال کي  د اقتصاد پوهنځي لومړۍ دوره  محصلين د منجمينټ او خصوصي تشبثاتو اداري له څانګي څخه د ورځي له خوا فارغ سول. د فارغ محصلانو جدول یې په لاندي ډول دی.

د اقتصاد د ورځي پوهنځي د فارغ محصلانو جدول

5. (سرچینه ...د اقتصاد پوهنځی تدریسی مديریت)

د کندهار پوهنتون د اقتصاد شپي پوهنځي د محصلانو احصائيه

6. په ۱۳۹۲ کال کي د اقتصاد د شپې پوهنځي منظور او په تدريس یې پيل وکړ او د لوړو زده کړو وزارت په لاندي ډول محصلین ورته معرفي کړي دي.

د اقتصاد پوهنځي د شپې (لومړی ظرفیت) ته د معرفي سوي محصلانو جدول

7.  (سرچینه ...د اقتصاد پوهنځی تدریسی مديریت)

د اقتصاد پوهنځي کمېټې

د اقتصاد پوهنځي د رئيس لنډه پېژندنه

محترم پوهنیار عبدالله زیارمل د حاجي محمد سعید زوی په ۱۳۷۱ ه ش کال کي د کندهار ژړۍ ولسوالۍ کي زېږېدلی دی او وروسته د ښاغلي زیارمل کورنۍ د اولادونو د ښې روزني او د یوه تمدني ژوند کولو په موخه و کندهار ښار ته منتقله سوه. خپلي لومړنۍ زده کړي یې په شاه حسین هوتک منځنۍ ښوونځي کي، او منځنۍ زده کړي یې په احمد شاه بابا عالي لېسه کي سرته و رسولې. ښاغلی زیارمل په ۱۳۸۹ ه ش کال کي د نوموړي لیسې څخه فارغ سو. د ۱۳۹۳ کال د کانکور د ازمویني د ورکولو څخه وروسته په لوړو نمرو د کندهار پوهنتون اقتصاد پوهنځي ته بریالی او د څلور کلني تحصلیي دورې په پوره کېدو سره په ۱۳۹۶ ه ش کال د نوموړي پوهنځي څخه په کدر کي فارغ سو، په ۱۳۹۷ کال د کندهار پوهنتون د اقتصاد په پوهنځي کي و علمي کادر ته شامل او د استادۍ د مقدسي دندي مسؤلیت یې په غاړه سو.

ښاغلي زیارمل په ۱۳۹۹ ل. کال کي د اقتصاد په برخه کي د ماسترۍ  تر لاسه کولو په موخه د مالیزیا هیواد و ای ای یو ایم (IIUM) پوهنتون ته واستول سو او د دوه کاله او دوو میاشتو په تېرولو سره یې دا دوره په پوره بریالیتوب سره پای ته ورسول. په ۱۴۰۰ ل کال کي یې  دا دوره هم په اعلی درجه (Dean list) سره پای ته ورسوله.

پوهنیار زیارمل د ماسټری د دورې د ختمولو وروسته بیرته د۱۴۰۰ کال کي خپل هیواد ته راستون سو او خپلي استادۍ ته یې په اقتصاد پوهنځي کي ادامه ورکړل چی دوې میاشتي وروسته، د کندهار پوهنتون د مشرتابه په وړاندیز د پوهنځي د سرپرست رئیس په حیث انتخاب او د رسمي چارو د تکمیل په موخه  رئیس الوزرا ښاغلي ملا محمد حسن اخند ته معرفي سو.

پوهنیار زیارمل  د هغه وخت څخه تر اوسه د ریاست په څنګ کي د اقتصاد پوهنځي د ورځي او شپې په برخه کي مختلف مضامین تدریس کړيدي، علاوه پر دې په ژورنالیزم، ښووني او روزني  او حقوقو پوهنځیو کي هم ځني اقتصادي مضامین تدریس کړي دي او همدارنګه د کندهار پوهنتون په نمایندګي د ښاروالۍ د  مشورتي بورډ غړی هم پاته سوی دی.

د خپلي اکاډمیکي دورې په لړ کي د هیواده بهر مالیزیا، متحده عربي امارات او د هیواد دننه په مختلیفو علمي، ټولنیزو، او اقتصادي سیمینارونو، کنفرانسونو او ورکشاپونو کي برخه اخیستې ده.

د اقتصاد پوهنځي د مرستيال لنډه پېژندنه

ښاغلی سیداحمد  سادات  د سید ابراهیم زوی د کندهار ولایت د لسمي ناحیې اصلي اوسیدونکی دی، چي په ۱۳۶۸  ه.ش د حوت د میاشتي په اوومه نېټه  په کندهار ولایت کي دې فاني نړۍ ته سترګي وغړولې. خپلي لومړنۍ زده کړي یې د حاجي میرویس خان نیکه عالي لیسه کي او د اتم ټولګي څخه تر دولسم ټولګي پوري  د لیسې دورې زده کړي یې د کندهار شاه حسین هوتک افغان ترک لیسه کي ترسره کړیدي.  نوموړی په ۱۳۸۸ ه ش کال کي د نوموړي لیسې څخه فارغ او د ۱۳۸۹کال د کانکور د ازمویني د ورکولو څخه وروسته په لوړو نمرو د کندهار پوهنتون د اقتصاد پوهنځي ته بریالی او د څلور کلني تحصیلي دورې په پوره کېدو سره په ۱۳۹۴ ه ش کال د نوموړي پوهنځي د منجمنټ او تشبثاتو اداري څانګي څخه په کادري او اعلی درجه فارغ، وروسته بیا په همدې کال لومړی په شاه حسن افغان ترک لیسې کي د استاد په صفت او په ۱۳۹۵ کال کي د امید افغان ترک منځنۍ ښوونځي د سر معلم په صفت دنده تر سره کړېده. د په ۱۳۹۶ ه ش کال کي یې د کندهار پوهنتون د اقتصاد په پوهنځي کي د کادري غړو لیست ته شامل او د استادۍ قدرمني دندي مسؤلیت ور په غاړه سو.

د اقتصاد پوهنځي څانګي

۱- د منجمنټ او تشبثاتو اداري څانګه:

د منجمنټ او تشبثاتواداري څانګه د کندهار پوهنتون د اقتصاد پوهنځي سره نښتې ده، چي په کال ۱۳۸۹ ه.ش کي په فعاليت شروع کړی. د اقتصاد پوهنځي د پنځو څانګو څخه مشتمل سوې، چي د هغو له جملې څخه يې د منجمنټ اوتشبثاتو اداره يوه څانګه ده. د نوموړي څانګي درسي مواد، کورس پاليسي او کریکولم د لوړو زده کړو د وزارت د علمي کمېټې له خوا تصویب سوي دی.د اقتصاد پوهنځي د نوموړي څانګي څخه یوولس دورې د ورځي او نهه دورې د شپې له خوا محصلین ټولني ته د ښه خدمت په موخه د لیسانس په کچه فارغ کړي دي. نوموړې څانګه څلور پوهنیاران او یو پوهندوی استاد لري. لیرلید او رسالت یي په لاندي ډول دي.

ليرليد:

د منجمنټ او تجارت څانګه به د غوره ژوند، سوداګريزه چاپيريال او ښېرازه ټولني جوړولو لپاره د سوداګرۍ، مديريت او مربوطه برخو کي د باکيفيته علمي خدماتو وړاندي کولو ته ژمنه څانګه وي.

رسالت:

د ادارې او تجارت څانګه د سوداګرۍ او مديريت په برخه کي د معياري خدماتو په وړاندي کولو سره مسلکي محصلين روزي تر څو په پوره عزم سره وکولای سي په ملي سطحه د سوداګرۍ او مشرتابه په برخه کي ګټور تمام سي.

د منجمنټ او تشبثاتو اداري څانګي استادان

• پوهنیار ګلاب الدین «نوري» د څانګي آمر

نوم او تخلص                ګلاب الدین نوري

علمي رتبه                          پوهنیار

دنده                                      آمر

رشته                                     تجارت او مدیریت

د تحصیل درجه             ماستر

د څیړني ساحه                 Entrepreneurship, Business, Marketing

ایمیل ادرس                      gulabuddinnoori7@gmail.com

د تلیفون شمېره                   0700856250 

• پوهنیار کریم الله «عزام»

نوم                                       کریم الله

تخلص                                عزام

د زیږیدو نېټه                   19   91

د زیږیدو ځاي                  کندهار

علمي رتبه                          پوهنیار

دنده                                      استاد

رشته                                    تجارت او منجمنټ

د تحصیل درجه             ماسټر

کاري تجربه                     له ۱۳۹۸ څخه

د ایمیل آدرس               ezam786@gmail.com               

ټلیفون شمیره                   (+93) 700321786

• پوهندوی محمد هاشم «دقیق»

نوم                                       محمد هاشم

تخلص                               دقیق

د زیږیدو نېټه                   1360

د زیږیدو ځاي                 کندهار

علمي رتبه                         پوهندوی 

دنده                                    استاد

رشته                                   کوچني اقتصاد

د تحصیل درجه            ماسټر

کاري تجربه                     څخه1385له

د ایمیل آدرس               daqiq.hashim@gmail.com

د ټلیفون شمیره            (+93)-700-321-810

• پوهنیار احمدولي «پوپل»

نوم                                       احمد ولي

تخلص                               پوپل

د زیږیدو نېټه                   ۱۳۶۳

د زیږیدو ځاي                  کندهار

علمي رتبه                         پوهنیار

دنده                                    استاد

رشته                                   منجمنټ او تشبثاتو اداره

د تحصیل درجه            ماسټر

کاري تجربه                     څخه1390له

د ایمیل آدرس               popalwali@gmail.com

د ټلیفون شمیره            (+93)-748-283-583

•  پوهنیار شمس الله «شمس»

نوم                                       شمس الله

تخلص                               شمس

د زیږیدو نېټه                   1373

د زیږیدو ځاي                 کندهار

علمي رتبه                         پوهنیار

دنده                                    استاد

رشته                                   منجمنټ او خصوصي تشثبثاتو اداره

د تحصیل درجه            لیسانس

کاري تجربه                     له ۱۳۹۷ څخه

د ایمیل آدرس               shams.s@gradutate.utm.my

د ټلیفون شمیره            (+93)709038443

۲- د اقتصاد پوهنځي د ملي اقتصاد څانګه:

د ملي اقتصاد څانګي تاريخچه د کندهار پوهنتون د اقتصاد پوهنځي سره نښتې ده، چي په کال ۱۳۸۹ ه.ل. کي په فعاليت شروع وکړله. د اقتصاد پوهنځي د پنځو څانګو څخه مشتمل سوې، چي د هغو له جملې څخه يې ملي اقتصاد هم يوه څانګه ده. د نوموړي څانګي درسي مواد، کورس پاليسی او کریکولم د لوړو زده کړو د وزارت د علمي کمېټې له خوا تصویب سوي دي.

ليرليد:

د ملي اقتصاد څانګه د هيواد په سطحه د يو داسي علمي چاپيريال د رامنځته کولو هڅه کوي، چي د ملي اقتصادي مسايلو د باثباته کولو لپاره لاري چاري وړاندي کړي تر څو هيواد مو د پرمختللو هيوادونو په قطار کي وشمېرل سي.

رسالت:

ملي اقتصاد څانګه د اقتصادي ملي پاليسیو او مسلکي ماډلونو په ذريعه سره داسي محصلين روزي چي د هيواد په سطحه د بېکارۍ کچه، د تبادلې نرخ، ملي عايد او دې ته ورته نور ملي اقتصادي مسايل وڅېړي ترڅو د هيواد ملي اقتصادي ستونزي حل او د اقتصادي رفاه لپاره ګټور تمام سي.