دشرعياتو پوهنځي لنډه پېژندنه

دشرعياتوپوهنځي بنسټ په ۱۳۸۸ ل. کال دکندهار پوهنتون په علمي غیږه کې کښېښوول سو، چي د دوو فارغ ورکوونکو اسلامي تعليماتو او فقه او قانون ډيپارټمنټونو او يو نا فارغ ورکوونکي اسلامي ثقافت ډيپارټمنټ په لرلو سره يې د اسلام د مبارک دين د تعليماتو د تدريس علمي  خدمت  پيل کړ. په ١٣٩١ ل. کال کي يې د اسلامي تعليماتو په ډيپارټمنټ کي د شرعياتو شپې او په کال ۱۴۰۲ل کال کې یې  په اسلامي تعلیماتو کې د ماستري برنامه تأسیس چې فعلا دری دوري عملا په درسونو بوخت دي او  په کال ۱۴۰۳ کې یې د عقیدي او فلسفي غیر فارغ ورکونکي څانګه او

شرعياتو پوهنځي تر دې مهاله د یولسو (13) دورو د محصلینو د فراغت ویاړ لري.

د شرعياتو پوهنځي د استادانو او اداري کارکوونکو مشرح تشکیل

لومړی جدول: د شرعياتو پوهنځي د استادانو او اداري کارکوونکو مشرح تشکیل

د شرعياتو پوهنځي د محصلانو شمېر

درېيم جدول: د شرعياتو پوهنځي د محصلانو شمېر

دوهمه برخه: شرعیاو پوهنځی لېر لید رسالت او موخي:

لېرليد (Vision)

شرعیاتو پوهنځی به د هیواد او سیمې په کچه د  ديني علومو متخصص کادرونو په روزلو او معياري څېړنو تر سره کولو کي مخکښ پوهنځی وي.

رسالت (Mission)

ټولنې ته د اسلامي علومو او قوانينو په برخه کي د لېسانس او ماسټر په کچه مسلکي کادرونه، معياري څېړني او حقوقي خدمات وړاندي کول.

ستراتيژيک اهداف (Strategic Goals)

• په تعمیراتي لحاظ د شرعیاتو پوهنځي ودانۍ  په معیاري ډول برابرول؛
• د ليسانس او ماسټر په کچه معياري تدريس تر سره کول
• د معاصرو غوښتنو سره سم تحصيلي نصاب معياري کول.
• د ټولني اړتياوو ته په کتو علمي څېړني تر سره کول
• د شرعي عملي احکامو او حقوقي عملي زده کړو ښوونه
• د بې بضاعته کسانو سره حقوقي مساعدت او حقوقي مشورې
• د کادري او اداري پرسونل جذب او ظرفيت لوړونه.
• د شرعیاتو ځانګړی کتابتون ایجادول او برېښنايي برخه ئې منظمول
• د ښکېلو ادارو او شرعیاتو پوهنځیو سره د همکارۍ هوکړه لیکونه او توامیتونه لاسلیکول.

ارزښتونه (Core Values)

• داسلام اصيل فهم.
• اسلامي او افغاني ارزښتونو ته درناوی.
• لوړ انساني او اسلامي اخلاق؛
• کاري روحیه، کره توب، جديت او ژمنتیا.
• شفافيت، محاسبه او د فساد پر وړاندي مبارزه؛
• با ارزښته او معیاري څېړني.
• د دندي سره مینه او مسوليت  پېژندنه.

کلیدي ستراتیژۍ  (Key Strategies)

1. د علومو په بېلابيلو برخو کي معياري تدريس تر سره کول
2. ګټوري او اغيزمني څېړني سرته رسول.
3. د ټولني د پرمختګ او هوساينی  له پاره علمي او مسلکي خدمتونه تر سره کول
4. د هيواد او سيمي په کچه په علمي څېړنيز اعتبار کي نوي مدارجو ته ځان رسول
5. د مختلفو نړېوالو سازمانونو درجه بنديو د شموليت له پاره تياري نيول
6. په مسلک پوه،  په اوسني ټکنالوجي سمبال، افغاني او اسلامي ارزښتونو ته  ژمن کادرونه ټولني ته  وړاندې کول.

دريمه برخه

پوهنځي سره ښکېلي خواوي:

کندهار پوهنتون ریاست

د پوهنځي پرسونل(علمي کادرونه او اداری او خدماتي  کارکوونکي)

محصلان او فارغان.

سیمه ایزي سکټوري ملکي او امارتي اداري.

د هیواد په کچه هوکړه لیک لرونکي شرعیاتو  پوهنځي، مدرسي او تخصصات.

علماء، پوهان، مجرب مسلکي او متقاعد استاذان.

دشرعياتو پوهنځي دقوت ټکي (Strengths)

1. د رسمي درسی نصاب شتون
2. داستاذانو له خپل تدريس سره پوره شوق او علاقه
3. دځوان او له انرژي ډک کادري پرسونل شته والی
4. دعربي او انګليسي ژبي سره داستاذانو بلدتيا
5. دژبو دزده کړي لپاره ځانګړی او مجهز  لب شتون
6. دمحصلينو لپاره کمپيوټر لب درلودل
7. د چارو د سمون او تنظیم په موخه بېلا بېلي کمېټې درلودل
8. په پوهنځي کي دکريډيټ سيستم تطبيق او دهغه دلاښه والي لپاره هڅي او کوښښ
9. داداري او تدريسي بلاکونو شته والی.

دشرعياتوپوهنځي ضعيف ټکي (Weaknesses)

1. د لوړ رتبه کادري غړو نه شتون
2. د علمي کادرونو کمښت
3. بهر ته داستاذانو لپاره دعلمي سفرونو کمښت
4. د معیاري تدريسي خونو نشتوالی
5. د تدریس او څېړني لپاره د کافي امکاناتو کمښت
6. د څېړني سره د استاذانو علاقه نه درلودل
7. داداري او خدماتي پرسونل کمښت
8. دعصري تجهيزاتو او تکنالوژي کمبود
9. د معیاري کمپيوټرلېب نشتون.

دشرعياتو پوهنځي فرصتونه (Opportunities)

1.  په افغاني ټولنه کي د دیني علومو سره د خلکو مینه او علاقه
2. پر اسلامي شریعت باندي د هیواد د قضايي او عدلي سستم استواروالی
3. په ټولنه کي د ښه شهرت درلودل
4. له پوهنځي سره د اړوندو سکتوري ادارو د اړيکو موجودیت
5. د محلي رسنیو له لوري د اسلامي خپرونو د نشرولو د روحيې شتون
6. له هيواد څخه بهر په علمي کنفرانسونو کي دګډون چانسونه
7. د مرسته کونکو مؤسسو له لوري د پوهنځي سره همکاري
8. د پوهنتون د مشرتابه او پوهنځيو د مسئولینو له لوري د شرعیاتو پوهنځي سره نېکي اړيکي
9. د کورني او بهرني پوهنتونونو د شرعیاتو پوهنځيو له لوري د ګډو همکاریو د روحیې شتون
10.  په پوهنتون کي د حقوقي کلینیک شتون.

دشرعياتو پوهنځي ګواښونه او تهدېدات (Threats)

1. د دکتوری درجو لرونکو استاذانو کمښت
2. د ازمینو آخیستلو لپاره د ځانګړي تالار نشتون.

په ټولنه کي د شرعیاتو پوهنځي نقش

کندهاري ټولنه په فطري لحاظ یوه اسلامي او سنتي ټولنه ده، چي په هره برخه کي د اسلام د مبارک دين لارښوني پلي کوي، چي د دې لارښونو د پلي کولو له پاره یوې تخصصي او مسلکي تعلیمي مرجع ته ضرورت لیدل کېږي، چي دا ضرورت د شرعیاتو پوهنځي په موجودیت سره تر ډېري اندازې پوره کېږي، چي یاده پوهنځي په ټولنه کي د ديني لارښوونو په برخه کي مستقیم تاثير لري.

• د شرعیاتو پوهنځي استادان او محصلین په محلي رسنیو کي دیني تعلیمي او دعوتي خپرونو وړاندي کول.
• په مساجدو او مدارسو کي د ديني زده کړو تدریس.
• په عامه مجلسونو او غونډو کي اسلامي دعوت کول.
• په دیني  او دعوتي مجلسونو او غونډو کي ګډون او مشرتوب کول.

 دبنسټيزو جوړښتونو (زيربناء) برخه

د شرعياتو پوهنځي د اوسني فزيکي چاپېريال تحليل

دشرعياتو پوهنځی اوسمهال دوه مستقل اداري او تدریسي بلاکونه لري، چي بالفعل تر یوې اندازې درسي او اداري ضرورتونه پوره کوي، خو د دې سره سره د لاندي ضرورتونو د کمبود سره لاس او ګرېوان ده:

1. د معیاري او په الکترونيکي وسائلو سمبال ټولګیو نشتون.
2. د کمپيوټر لېب لپاره کمپيوټرونه لرو، ولي مناسب ځای ئې نسته.
3. د محصلینو د عملي زده کړو له پاره د حقوقوي کلینک موجود دئ، ولي د مکان له حیثه کافي او مجهز نه دئ.
4. د تمثیلي محکمې د غونډو د تالار نشتون.
5. د پوهنځي د اولیه صحي وسائلو نشتون.
6. د ګرمۍ او یخنۍ د نا کافي وسائلو نشتون.

په راتلونکي کي د شرعياتو پوهنځي د فزيکي چاپېريال تحليل

د لومړیتوبونو او امکاناتو په پام کي نيولو سره د پوهنځي د ودانیو او نورو تاسیساتو د جوړوني او بیارغاوني چاري پر لاندي دوو برخو ويشل کيږي.

لومړی: د پوهنځي لپاره زېربنايې تاسېسات جوړول

ودانۍ يو له هغو اولويتونو څخه شمېرله کيږي چي دکندهار پوهنتون هم ورته په خپل  پلان کي زياته پاملرنه کړې ده. د کندهار پوهنتون دعينو مېنې په کمپس کي د شرعياتوپوهنځي لپاره داوسني عصر سره سم دشرعياتو پوهنځي د مسلک مطابق داسي یوه ودانۍ باید جوړه سي تر څو لاندي ځانګړتیاوي ولري:

• معیاري صنفونه.
• اداري خوني.
• کتابتون.
• د کنفرانسونو او ورکشاپونو عمومي تالار.
• لیکچر هالونه؛
• د علمي غونډو تالار.
• تمثیلي محکمې تالار.
• حقوقي کلینک.
• د استادانو د علمي څېړنو او مطالعې خوني.
• عمومي او پراخ دهلیزونه، چي په چوکیو سمبال وي.
• کفيتریا.
• لوبستان.
• باندنۍ سرسبزي.
• د علمي اسنادو د ساتلو آرشیف.
• ډيپو.
• کمپيوټر لېب.
• د ژبو د زده کړي مرکز.
• د دیني مناسکو (حج او عمرې...) د تمثیلي عملي زده کړو مرکز.
• مسجد.
• د فارغان د پېژندني مرکز.

د پوهنځي لپاره د زېربنايې تاسېساتو د جوړولو له پاره اړیني کړیني او ضرورتونه پ لاندي جدول کي ځای پر ځاس سوي دي:

دوهم: په عصري وسائلو او تجهيزاتو  د پوهنځي سمبالول

شرعیاتو پوهنځی په اوسني تدریسي او اداري بلاکونو کي یو لړ اداري او تدریسي تجهیزاتو او د ژبي تدریسي اسانتیاوو ته اړتیا لري چي حتی الامکان باید ترتیب سي، چي یاد تجهیزات او اړتیاوي په لاندي جدول کي ځای پر ځای سوي دي:

څلورمه برخه: د ستراتیژیو انتخابونه

علمي او څیړنیز:

1. د شرعي علومو په بیلابیلو برخوکې معیاری تدریس تسره کول.
2. ګټوري او اغیزمني څیړني سرته رسول.
3. د علمي او څیړنیزو تحقیقاتو و آثارو خپرولو ته وده ورکول.
4. داخلي او نړیوالو جرنالو کې علمي مقالی خپرول.
5. دعلمي کادرونو ظرفیت لوړونه.
6. د هیواد په کچه له امارتي اوخصوصي پوهنتونو او مربوطو اداراتو لکه حج اوقاف امربالمعروف نهی عن المنکر او دعوت ارشاد سره تفاهم لیکونه او توامیتونو ته پراختیا ورکول.

لوړو زدکړو ته لاس رسی:

د ټولني د پرمختګ او هوسایني په موخه محصلینو لپاره علمي او مسلکي خدمتونه ترسره کول.

د نوي تحصیلی علمي برنامو(لیسان، ماستري او دکتوری) ایجادول.

مالي او اداري برخه

د شرعیاتو پوهنځي عایداتي سرچينې

شرعیاتو پوهنځي یو شمېره عایداتي سرچينې لري، چي په لاندي ډول یادونه ځيني کيږي:

الف: د شرعیاتو ماستري برنامه

دشرعياتو پوهنځی اوس  مهال ماستري برنامه   لري او په دې سره يې ددولت عايداتو ته په هرسمستر کي تر دوه نيم لکه زياتې دفیس پیسې تحويلي  کړي دي. ان شاءالله کوښښ به وسي، چي یاده برخه همداسي جاري وساتل سي او ترڅنګ ئې د په دي  برخه کي نوري رشتې هم اضافه سي، چي دا به د شرعیاتو پوهنځي په عایداتو کي د پام وړ مثبت تغیر راولي.

درېیم : - د مشرتابه (رهبري) پراختیا

څلورم : - توأمیتونه را منځ ته کول

الف:- د ملي پوهنتونونو سره د تواميتونو ايجادول

شرعياتو پوهنځی په پلان کي لري، چي په راتلونکو پنځو کلونو کي د پوهنځي د تدريسي او درسي چارو د لا نظم او انسجام په موخه د لاندي ملي پوهنتونونو سره د همکارۍ توامیتونه ایجاد کړي:

1. کابل پوهنتون شرعیاتو پوهنځي.
2. ننګرهار شرعیاتوپوهنځی
3. د کابل  ښووني او روزني پوهنتون د اسلامي تعلیماتو پوهنځي.

پنځم : - د همکارۍ هوکړه لیکونه را منځ ته کول

پوهنځي د ګډو اړيکو او کاري ساحې د یوالي پر اساس د کندهار ولايت اړوند د بېلابېلو ریاستونو سره د ګډو همکاریو تواميتونه لاسليکوي، تر څو ګډي چاري لا منسجم سي.

1. د کندهار ولایت د استیناف محاکمو سره.
2. د کندهار ولایت د امر بالمعروف او نهی عن المنکر ریاست سره
3. د کندهار ولایت د عدليې له ریاست سره.
4. دکندهار ولايت د ارشاد، حج او اوقافو له رياست سره.

 لوړو زده کړو ته د لاسرسي برخه

لوړو زده کړو ته لاسرسی د پوهنتونونو اساسي هدف دئ، چي د لیسانس تر کچي پوري د افغانستان ټولو اتباعو ته که  نارینه دي او که ښځينه په وړیا ډول پوهنتونونه درسي امکانات برابوي او کوښښ کوي، چي حتی الامکان د هیواد ټول ځوانان د لیسانس په کچه په لوړو زده کړو سامبال کړي.

ټولني ته د مسلکي او ماهرو فارغینو وړاندي کول

شرعياتو پوهنځی خپل ليرليد او رسالت ته په کتو دا هدف ټاکلی دئ چي د خپل علمي کادرونو په مرسته د ټولني د اوسنۍ اړتیاوو او غوښتنو په نظر کي نیولو سره داسي متخصص، مسلکي او ماهر فارغین ټولني ته وړاندي کړي، ترڅو د خپل مسلک په مرسته د ټولني د ودي او پرمختګ له پاره یو نوی بدلون را منځته کړي او د خپل مسلک  له لاري ددې ځوريدلي ولس په زخم پتۍ کښېږدي. د دې موخي د لاسته راوړلو لپاره د شرعياتو پوهنځی غواړي ځان ډاډه کړي چي محصلان ئي په کافي اندازه په  ملي او نړۍ والو معيارونو او مشخصاتو برابردي. او هم پوهنځي هڅه کوي،  چي محصلان  ته د مسلکي زده کړي ترڅنګ په نوو او عصري زده کړو سامبال سي او د فارغينو په شمېر کي ئې هم کال په کال ډېر والی راسي، اوسمهال شرعیاتو پوهنځي په لاندي څانګو کي د لیسانس په کچه فارغین لري: