د سرطان نړۍواله ورځ ولمانځله سوه

kdru_admin
Wed, Feb 07 2024 10:36 AM
a

د کندهار پوهنتون د عامه پوهاوي او اړیکو آمریت او د طب پوهنځي د فرهنګي کمېټې د پلان له مخه؛ د طب پوهنځي د علمي کنفرانسو په تالار کښي، د همدې پوهنځي استاد پوهنوال ډاکټر نعمت الله اسحاق د فبروري (۴ مه) د سرطان نړۍ والي ورځي اړوند علمي سیمینار وړاندي کړ، چي پر مهال ئې د طب پوهنځي رئېس، استادان، اداري کارمندان او مېلمانه حاضر ول.

سیمینار د قرآن کریم په څو مبارکو آیاتو سره پېل سو، ورپسې د طب پوهنځي استاد پوهنوال ډاکټر نعمت الله اسحاق سیمینار وړاندي کړ؛ هغه د سرطان ناروغۍ پر پېژندني، د سرطان ناروغۍ له ډولونو څخه، د سینې د سرطان اړوند مفصل معلومات وړاندي کړل، د سینې سرطان پېژندنه، ډولونه، په نړۍ کښي د سینې په سرطان د اخته کسانو شمېر، لاملونه، وقایې او داسي نورو مهمو موضوعاتو اړوند خبري وکړې؛

همدا ډول هغه په کندهار ولايت کښي د الټراساوند موندنو له مخه د سرطان پېښي او مخکي له مخکي تشخيص په هکله لازمي لارښووني وکړې.

د سیمینار په پاى کښي د ګډونوالو و بېلابېلو پوښتنو ته هر اړخیز جوابونه وويل سول او سیمینار د دؤعا په ويلو سره پاى ته ورسېد.

یکشنبه ۱۴۴۵/۷/۱۵

د عامه پوهاوي او اړیکو آمریت

Latest news

Wed, Feb 07 2024 10:49 AM
Background image

د شخصي لوړو زده کړو مؤسساتو د پسرلني سمیسټر کانکور آزموینه واخیستله سوه

په کندهار کښي، د ملالۍ، میرویس نیکه، سبا، بېنوا او لمر د لوړو زده کړو شخصي مؤسسو د (۱۴۰۳.ل) کال د پسرلني سمیسټر د شمولیت له پاره د دوولسم او څوارلسم ټولګیو ګڼ شمېر فارغانو څخه، د کندهار. . .

Sun, Jan 07 2024 10:26 AM
Background image

د کمپیوټر زده کړي، له کورس څخه ۱۳۰ محصلان فارغه او د خاصو مراسمو په ترڅ کښي فراغت لیکونه ورکول سول

د شنبې په ورځ، د کندهار پوهنتون د غونډو په عمومي تالار کښي، د کمپیوټر مدیرت او آفیس زده کړي له پروکرامو څخه ۱۳۰ محصلان له دوه میاشتني زده کړو وروسته فارغه سول، چي په همدې موخه د محصلانو. . .

Sat, Jan 06 2024 12:01 PM
Background image

د طب پوهنځي له محصلانو سره مشورتي غونډه وسوه

د کندهار پوهنتون د رئېس الحاج م. محمد اکرم شاه عاصم په مشرۍ؛ د طب پوهنځي د رهبرۍ غړو، استادانو او شپږم صنف ېوولسم سیمیسټر محصلانو سره د طب پوهنځي، د پوهاند ډاکټر عبدالواحد وثیق د غونډو. . .

BACK TO NEWS