د (املاء اُصول) په نوم ورکشاپ کښي دوهمه برخه وړاندي سوه
د چهار شنبې په ورځ د کندهار پوهنتون د رسنیو مرکز د غونډو په تالار کښي، د مسلکي پرمختيايي مرکز آمر او د ښووني او روزني پوهنځي د پښتو ژبي او ادبياتو څانگي استاد پوهنمل عطاء الله محمدي، د (د املاء اُصول) په نامه، په پېل کړي پنځلس ورځني ورکشاپ کښي، دوهمه برخه وړاندي کړه.
په پېل کښي، پوهنمل عطاء الله محمدي د پښتو ژبي پر تاریخي مخینه بحث وکړ، چي په خبره ئې پښتو ژبه ېوه له هندو – اروپايي ژبو څخه ده او ډېر لرغونى تاريخ لري؛ هغه زياته کړه، چي پښتو د سانسکرېټ او اويستا خور ده او له آريک څخه زېږېدلې ده. ورپسې ئې د املاء په دوهمه برخه پېل وکړ او په هغې کښې د نارينه او ښځينه، ضمير او فعل او نورو اړوندو موضوعاتو په اړه بېلابېل معلومات سره له بېلګو وړاندي کړل او په ګډونوالو ئې په يادو موضوعاتو کښي عملي کار وکړ.
د سيمينار په پاى کښي د محصلانو و بېلابېلو پوښتنو ته، چي د يادي موضوع اړوندي وې؛ جوابونه وويل سول او سيمينار د دؤعا په ويلو سره پاى ته ورسېد.
پنج شنبه:۱۴۴۵/۴/۳۰
د عامه پوهاوي او اړیکو آمریت
