په کندهار کي د افغان ترک لیسې مدیر د کندهار پوهنتون له رئېس سره ولیدل

kdru_admin
Sat, Sep 23 2023 9:19 AM
/

د چهارشنبې په ورځ په کندهار کي د افغان ترک لیسې مدیر هارون دیزي ایري او مل پلاوي ئې د کندهار پوهنتون د رئېس الحاج م. اکرم شاه عاصم سره ولیدل.

 

د لیدني په پېل کښي د کندهار پوهنتون رئېس الحاج م. اکرم شاه عاصم ټولو مېلمنو ته ښه راغلاست ووایه؛ وروسته ئې د تاريخ په اوږدو کي د افغانستان او ترکیې هیوادونو دوستانه اړیکو او مشترکاتو ته هم اشاره وکړه؛ په خپلو خبرو کي ئې د ښووني په برخه کي د یاد بنسټ د ترسره کړو فعالیتو او کارو ستاینه وکړه او هم ئې په دې برخه کي د لا نورو فعالیتونو د پراخوالي او ډېروالي غوښتنه وکړه.

 

د کندهار پوهنتون رئېس دننه پوهنتون کښي د ترکي ژبي د زده کړي د کورس پر پېلېدو، د علامه حبیبي کتابتون سره د کتابو پر مرستي او د خپلو خبرو په ورستیو کي ئې د راغلي پلاوي څخه غوښتنه وکړه؛ چي په خپله لېسه کښي ټولي کړنلاري د اسلامي او افغاني دود او کلتور سره سمي ترسره کړي.

 

وروسته په کندهار کي د افغان ـ ترک لیسې مدیر هارون دیزي ایري د پروګرامونو د تطبیق په برخه کښي د لازمو آسانتیاؤ د برابرولو له امله د کندهار پوهنتون له رئېس څخه ځانګړې مننه وکړه او ژمنه ئې وکړه، چي د افغانستان د پوهني نظام ترڅنګ به ولاړ یي او په دې برخه کښي به دوامداره همکاري کوي.

 

وروسته لیدنه د دؤعاء په ویلو سره پای ته ورسېدله

Latest news

Wed, Feb 07 2024 10:49 AM
Background image

د شخصي لوړو زده کړو مؤسساتو د پسرلني سمیسټر کانکور آزموینه واخیستله سوه

په کندهار کښي، د ملالۍ، میرویس نیکه، سبا، بېنوا او لمر د لوړو زده کړو شخصي مؤسسو د (۱۴۰۳.ل) کال د پسرلني سمیسټر د شمولیت له پاره د دوولسم او څوارلسم ټولګیو ګڼ شمېر فارغانو څخه، د کندهار. . .

Sun, Jan 07 2024 10:26 AM
Background image

د کمپیوټر زده کړي، له کورس څخه ۱۳۰ محصلان فارغه او د خاصو مراسمو په ترڅ کښي فراغت لیکونه ورکول سول

د شنبې په ورځ، د کندهار پوهنتون د غونډو په عمومي تالار کښي، د کمپیوټر مدیرت او آفیس زده کړي له پروکرامو څخه ۱۳۰ محصلان له دوه میاشتني زده کړو وروسته فارغه سول، چي په همدې موخه د محصلانو. . .

Sat, Jan 06 2024 12:01 PM
Background image

د طب پوهنځي له محصلانو سره مشورتي غونډه وسوه

د کندهار پوهنتون د رئېس الحاج م. محمد اکرم شاه عاصم په مشرۍ؛ د طب پوهنځي د رهبرۍ غړو، استادانو او شپږم صنف ېوولسم سیمیسټر محصلانو سره د طب پوهنځي، د پوهاند ډاکټر عبدالواحد وثیق د غونډو. . .

BACK TO NEWS