د پښتو ژبي او ادبياتو څانګي محصلانو علمي سېر وکړ
د تېري پنج شنبې په ورځ، د کندهار پوهنتون د ښووني او روزني پوهنځي د پښتو ژبي او ادبياتو څانګي محصلانو، د نظري زده کړو ترڅنګ د عملي زدکړو په موخه، د ميروېس نيکه زيارت او ملا حسن آخوند د تلقان زيارت ته علمي سېر وکړ؛
کندهار پوهنتون د خپل پلان له مخه، د ښووني او روزني پوهنځي د پښتو ژبي او ادبياتو څانګي د څلرم صنف محصلانو له پاره د هغوی د عمومي پوهي د لوړولو، د افغاني - اسلامي، ملي او علمي شخصیتو سره د بلدتیا، د وطن او هیواد په کچه د مبارزې او علم د میدان ستورو او لارښوونکو څخه د انګېزې او حماسو د اخیستلو او د ګران هیواد له طبیعي او خوندورو مناظرو څخه د لیدلو په هدف ېو علمي سېر ترتیب کړی.
په دغه علمي سېر کښي، محصلان اول د ميروېس نيکه د زيارت، د هغه د ژوند، فتحو، ديندارۍ؛ په تلقان کښي د ملا حسن آخوند د زيارت؛ د هغه د ژوند، شعر او شاعرۍ، ولايت او نورو په اړه پوهنمل عطاء الله محمدي او د پښتو ژبي او ادبياتو څانګي استادانو معلومات ورکړل.
په دغه علمي سېر کښي، محصلان د کندهار پوهنتون له رهبرۍ په ځانګړي ډول د پښتو ژبي او ادبياتو څانګي له استادانو او مالي و اداري معاون څخه ډېر خوښ ول، چي و دوى ته ئې د نظري زدکړو ترڅنګ د عملي زدکړو زمينه برابره کړه.