د کمپیوټر ساینس پوهنځي پیژندنه

د کمپيوټر ساينس علم د يوه نوي علم په توګه را څرګند سوی دی او په دوام داره توګه د رشد په حالت کښي دی، نو اړتيا ده، چي د کمپيوټر ساينس پوهنځی په ټولنه کي ولرو. دا چي د کمپيوټر ساينس پوهنځی ته په ډيره تيزۍ سره د هيواد په مختلفو ادارو کښي ضرورت پيدا کيږي.

د کمپيوټر ساينس پوهنځی  د۱۳۹۳ یا ۲۰۱۴ کال کي  تاسيس سوه. د پوهنځۍ د تاسيس موخه دا ده، چي  د سيمي  او ټول هيواد په کچه د کمپيوټر او د عصری معلوماتی تکنالوجی د علم ماهرين وروزي. 

پوهنځۍ د (Software Engineering, Database and Information System and Networking)  دريو څانګو څخه تشکيل سوي  ده، چي  په عمومی ډول به د ليسانس تر کچي  پوري  فارغين ورکوي . نوموړی پوهنځي  ۱۰ تنه فعاله او برحاله استادان لري چی د هغوي د جملې څخه دوه تنه استاد اوسمهال د دوکتورا په زده کړو بوخت دی، او همدارنګه یو تن استاد ماسټر ، اووه تنه استادان ليسانس دي.

پوهنځی د ټولو دولتي او خصوصی  سکتورونو د اړتياوو په نظر کي  نيولو سره يو څلور کلن نصاب ترتيب کړي دي. د پوهنځۍ ټول تدريسي  مواد لکه تدريسي  کتابونه، لکچرونه، ازمويني او کورني  دندي د نورو نړيوالو پرمختللو پوهنځيو د نصابونو څخه په ګټه اخستلو سره تقريبا ۹۵٪ په انګليسي  ژبه بنا (مشتمل) دي .

د کمپيوټر ساينس پوهنځی په جنوب لويديځ زون کي د دولتي او خصوصی  لوړو زده کړو د مؤسسو اړوندو څانګو سره همکاره ده، په ځانګړي ډول د کندهار پوهنتون د ښوونی او روزنی پوهنځي د کمپيوټر زده کړی څانګې او همدا رنګه د روزګان د لوړو زده کړو د موسيسې د کمپيوټر ساينس پوهنځۍ سره په نصاب او د علمی کادرونو د تقرر په چارو کي مرسته کړي ده.

د يوهنځی تاسیس څخه تر اوسه پوري (۸) دوري فارغین ورکړي دي چي (۵۱۳) تنه نارینه او (۱۲) پکي ښځینه محصلان شامل وو او اوس مهال برحاله (۲۶۱) تنه محصلان پکي په زده کړو بوخت دي.

کمپیوټر ساینس پوهنځی لرلید

د هيواد د معلوماتي  او مخابراتي  ټکنالوجي  په برخه کي  د يو مخکښ په توګه د پرمختللو زده کړو او څيړنو له پاره د زميني  برابرول او د مسلکي  کادرونو روزل دي .

کمپیوټر ساینس پوهنځی رسالت

په اړونده برخه کي  سالمه روزنه، ابتکار او ځاني  پرمختګ ته ښه وده ورکول ، د سيمه ييزو او نړيوالو علمي  موسساتو په مرسته د تحقيقاتو له پاره لاره هوارول، د ټولني  د ښه والي  له پاره د اغېزمنو خدمتونو وړاندي  کول.

 

د کمپیوټر ساینس پوهنځی موخې

• د ظرفيتونو د لوړولو پروګرامونه
• د لسانس په سطحه د ملي  او نړيواله معيار د لوړيدو په منظور د معاصرو او معياري پروګرامونو او موادو چمتو کول
• زيربنايي  فعاليتونو ته وده ورکول

 

د کمپیوټر ساینس پوهنځی ارزښتونه

1. اسلامي ارزښتونو ته درناوی.
2. سالم اداري ارزښتونو ته ژمنتېا
3. سالم اکاډميک چاپيريال رامنځته کول
4. په ټولو پريکړو کي شفافيت رامنځته کول
5. د ښې او پرمختللي ټکنالوژي رامنځته کول
6. په مسلکي او تخنيکي برخه کي ښه والی رامنځته کول
7. ګروپي کارونه حمايه کول
8. د برېښنايي زده کړو زمينه برابرول
9. جنډر جدي مراعت کول
10. د بازار د اړتيا پر اساس د څېړني اونوښت ساحه پراخول.

 

 

د کمپيوټر ساينس پوهنځی شورا ګاني او کمېټې

     د کمپيوټر ساينس په پوهنځی کښي لاندې شورا ګاني او کمېټې فعاليت لري:

• علمي شورا.
• د تضمين کيفيت کمېټه
• دنظم او ډسپلين کمېټه
• د ازموينو کمېټه
• د نصاب او کريکولم کمېټه
• د ستراتيژيک پلان کمېټه
• د څیړنې کمېټه
• نشرات کمېټه
• سپورت کمېټه
• بهرني اړیکي کمېټه
• بریښنايي زده کړي کمېټه
• فرهنګي چارو کمېټه
• چاپیریال ساتني کمېټه
• کتابتون  کمېټه
• د څانګي شورا

د کمپيوټر ساينس پوهنځی هڅه کوي، ترڅو دا پوهنځی د هيواد او سيمي په سطحه علمي کادرونه فارغه کړي. په همدې مقصد د محصلينو لپاره د علمي او انلاين زده کړو زمينه برابروي. د الله تعالی څخه اميد لرو، تر څو د کمپيوټر ساينس پوهنځی د ټول هيواد لپاره د هوسايني باعث وګرځي.

اړيکي:

موبايل: ۰۷۰۰۳۳۰۹۸۵

برېښناليک:computerscience@kdru.edu.af

ويب پاڼه:www.kdru.edu.af/computerscience

 

د کمپيوټر ساينس پوهنځی اداري تشکيل:

کندهار پوهنتون په تشکيل کي د کمپيو‎ټر ساينس پوهنځی هم خپل اداري او اکاډمیک تشکيل لري، چي د ټولو په سر کي د پوهنځی رئيس قرار لري، د هغه وروسته د پوهنځی مرستیال، د څانګو آمرين، استادان، تدريسي مدير او اجرائیه مدیر دي، چي د کمپيوټرساينس پوهنځی ټولي کړني مخته وړي. موږ درته د نوموړي پوهنځی اړوند اداري تشکيل په لاندي ډول سره راوړو.

د استادانو پېژندنه:

کمپیوټر ساینس پوهنځی لس رسمي استادان لري چي څلور تنو استادانو يي په بهرني هیوادونو کي ماسټري تر لاسه کړي ده چي له هغو څخه دوه تنه استادان اوس مهال د دکتورا په لوړو زده کړو بوخت دي او نور پاته شپږ استادان يي د لیسانس تر کچي پوري زده کړي کړي دي.

شماره	نوم	تخلص	د پلار نوم	تحصلي درجه	دنده	شماره تلیفون	ایمیل
۱	نیاز محمد	دوستیار	دوست محمد	لیسانس	استاد / رئیس	700330985	niaz.doostyar786@gmail.com
۲	حضرت موسی	هوډمن	محمد رسول	لیسانس	استاد/ مرستیال	708440871	hodman.m2015@gmail.com
۳	عصمت الله	عاطف	الله داد	لیسانس	استاد	700203438	esmatullahatif1@gmail.com
۴	نویداحمد	همتمل	عبدالغفور	لیسانس	استاد	704933926	NaveedHematmal@gmail.com
۵	حبیب الهی	رحمانی	نورمحمد	ماستري	استاد	706400789	cenghabib@gmail.com
۶	محمد صادق	روحی	عبدالغفور	ماستري	استاد	700778915	sadiqllahh52@gmail.com
۷	شمس الرحمن	رشییدی	نورمحمد	لیسانس	استاد  / آمر څانګې	706707304	Shamsrashidy@hotmail.com
۸	فیض الله	همدرد	محمد اچل	لیسانس	استاد	702651821	Faizullahkhanhamdard@gmail.com
۹	احمدشاکر	نعیمی	احمدشاه	لیسانس	استاد	705192834	Shakir.naaimy345@gmail.com
۱۰	حکمت الله	امید	عبدالقيوم	لیسانس	استاد	70 409 3681

 

 

 

 

 

 

 

 

د کمپیوټر ساینس پوهنځي څانګې

معلوماتي سیسټمونه

پيژندنه:

د معلوماتي سیسټمونو څانګه د کمپيوټر ساينس پوهنځۍ يوه پياوړي څانګه ده چي لا تر اوسه برحال محصلين نه لري. نوموړي څانګه ځلور تنه برحال استادان لري، چي دوه تنه استادان يي اوس مهال په تدریس بوحت دي او دوه استادان يي اوس مهال د دوکتورا په لوړو زده کړو بوخت دي. نوموړي څانګه د نورو اړوندو څانګو سره په ګډه د کمپيوټر ساينس پوهنځۍ د ستراتيژيک پلان د تطبيق په موخه خپل درسي، علمي او اداري فعاليتونه مخته وړي. ددي څانګي يواځنۍ هدف د پوهنځي د لرليد او رسالت سره سم د محصلينو روزل او د ښه خدمت په موخه افغاني ټولني ته وړاندي کول دي.    

 

لیرلید (Vision)

د يوې منل سوې او مخکښې څانګې په توګه د ډيټابیسونو او معلوماتي سیستمونو د جوړولو په برخه کې د وړ او ماهرانو روزل، تر څو د ټولنې موجوده او راتلونکي اړتياوې پوره کړي.

رسالت (Mission)

د ډيټابیسونو او الګوريتم په برخه کې د داسې فارغانو وړاندې کول، چې د تخنيکي پوهې او انتقال منونکو مهارتونو په درلودلو سره عصري ډيټابیسونه او معلوماتي سیستمونه ډيزاین، جوړ تنظيم کړي.

موخي (Objective)

• د ډيټابيسونو او معلوماتي سيټمونو د رامنځته کولو په برخه کې د مسلکې کادرونو روزل.
• د ټولنې ستونزو ته د اسانه حلارو په رامنځته کولو کې مرسته کول.
• په تخنيکي برخه کې څيړنې ترسره کول.

 

معلوماتي تیکنالوژي

پیژندنه:

د معلوماتي تیکنالوژي څانګه د کمپيوټر ساينس پوهنځۍ يوه پياوړي څانګه ده چي لا تر اوسه برحال محصلين نه لري. نوموړي څانګه دوه تنه برحال استادان لري، نوموړي څانګه د نورو اړوندو څانګو سره په ګډه د کمپيوټر ساينس پوهنځۍ د ستراتيژيک پلان د تطبيق په موخه خپل درسي، علمي او اداري فعاليتونه مخته وړي. ددي څانګي يواځنۍ هدف د پوهنځي د لرليد او رسالت سره سم د محصلينو روزل او د ښه خدمت په موخه افغاني ټولني ته وړاندي کول دي.    

 

لیرلید (Vision)

د نیټ ورک څانګه د هیواد په سطحه هڅه کوي چې د معلوماتو د مفاهمې او شبکې جوړولو په برخه کې په لوړکیفیت سره تعلیمي خدمات وړاندي کړي.

رسالت (Mission)

د نیټورک څانګه رسالت د کمپیوټري شبکو جوړولو دټیکنالوژیو اړوند د مسلکي پوهي په رسولو او عملی کولو سره د لوړمقام ګټل دي.

موخي (Objective)

• دکمپیوټر نیټورکینګ او معلوماتو دمفاهمې په رخه کښې مسلکی استعداونه روزل دي.
• د ICT په بازار کښې مسلکی والي ته پرمختګ ورکول دي.
• په تخنیکی کمپیوټرساینس کښې د څیړنو دپاره دموقع برابرول دي.
• د نړیوال مسکلی ټولنو غړی جوړیدل دي

سافټویر انجینرینګ

د څانګې پيژندنه:

د سافټ وير انجينرينګ څانګه د کمپيوټر ساينس پوهنځۍ يوه پياوړي څانګه ده چي لا تر اوسه برحال محصلين نه لري. نوموړي څانګه دري تنه برحال استادان لري،نوموړي څانګه د نورو اړوندو څانګو سره په ګډه د کمپيوټر ساينس پوهنځۍ د ستراتيژيک پلان د تطبيق په موخه خپل درسي، علمي او اداري فعاليتونه مخته وړي. ددي څانګي يواځنۍ هدف د پوهنځي د لرليد او رسالت سره سم د محصلينو روزل او د ښه خدمت په موخه افغاني ټولني ته وړاندي کول دي.   

لرليد:

 د سافټ وير انجينرينګ څانګه به د هيواد په کچه د عصری تکنالوژي په مټ د سافټ وير جوړونی او د ډيزاينی خلاقيت يوه مخکښه وسيله وي.

رسالت:

 په تخنيکی ډول دداسی ماهرانو روزل چی هيواد، ټولنی او نړيوالو ته به د تکنالوژي په برخه کي د سافټ وير جوړوني، ستونزو ته د منطقی حل لارو، رهبری او د تل پاتی زده کړی روحيه او زمينه سازی وکړي.

 

د سافټ وير انجينرينګ څانګه موخي:

• د سافټ وير انجينرينګ په مفاهيمو پوهيدل او د هغوی تطبيق په عملی چاپيريال کي
• د سافټ وير د پروجيکټ منيجمينټ
• يو قوی د افهام او تفهيم قوې او هم د تل پاتی زدکړی تلوسه درلودل.
• د اوسنی مارکيت او د هغه د ننګونو څخه آګاهی درلودل.

د کمپیوټر ساینس پوهنځی د علمي کادر غړو احصائیه

د بست او جنس په تفکیک د موجوده استادانو احصائیه

څانګه

پوهنځی

ګڼه

مجموعه

څلورم

دریم

دوهم

اول

مجموعه

ښځینه

نارینه

ښځینه

نارینه

ښځینه

نارینه

ښځینه

نارینه

ښځینه

نارینه

۴

۰

۴

۴

ډیټابیس

کمپیوټر ساینس

۱

۳

۰

۳

۲

۱

نیټورک

۳

۰

۳

۲

۱

سافټویر

۱۰

۰

۱۰

۰

۸

۰

۱

۰

۱

۰

۰

مجموعه

د علمي رتبې پر بنسټ د کمپیوټر ساینس پوهنځي د استادانو احصائیه

 

د تحصیلي درجې او جنس په تفکیک د موجوده استادانو احصائیه									څانګه	پوهنځی	ګڼه
مجموعه			لیسانس		ماسټر		دوکتور
مجموعه	ښځینه	نارینه	ښځینه	نارینه	ښځینه	نارینه	ښځینه	نارینه
۴	۰	۴		۲		۲			ډیټابیس	کمپیوټر ساینس	۱
۳	۰	۳		۲		۱			نیټورک
۳	۰	۳		۳		۰			سافټویر
۱۰	۰	۱۰	۰	۷	۰	۳	۰	۰		مجموعه

فارغ محصلانو احصائیه

فارغ مجموعه	فارغ نارینه	فارغ ښځینه	دفراغت کال	مجموعه ثبت نام	نارینه ثبت نام	ښځینه ثبت نام	مجموعه	نارینه معرفی سوی	ښځینه معرفی سوی	کال	دوره
63	62	1	1397	123	122	1	140	137	3	1393	1
77	76	1	1398	128	126	2	152	147	5	1394	2
79	77	2	1399	109	105	8	141	125	21	1395	3
79	72	7	1400	133	129	14	151	124	27	1396	4
74	73	1	1401	106	100	6	147	122	25	1397	5
84	84	0	1402	142	120	22	165	138	72	1398	6
69	69	0	1403	143	121	22	172	142	30	1399	7
525	513	12		884	823	75	1068	935	183	مجموعه
525	513	12	مجموعه فارغین

 

 

برحاله محصلین

برحاله محصلین
سمسټر	اوسنی ټولګی	مجموعه	حاضر نارینه	حاضر ښځینه	مجموعه ثبت نام	نارینه ثبت نام	ښځینه ثبت نام	مجموعه	نارینه معرفی سوی	ښځینه معرفی سوی	کال	دوره
۸	څلورم	60	60	0	68	68	0	169	140	29	1400	8
۶	دریم	50	50	0	47	47	0	70	70	0	1401	9
۴	دویم	70	70	0	80	80	0	120	120	0	1402	10
۲	اول	81	81	0	83	83	0	113	133	0	1403	11
			261								مجموعه

 

هغه کړني چي کمپيوټر ساينس پوهنځی ورته متعهده ده

 

زير بنايي تأسيسات او دايمي ودانۍ:

موږ باور لرو، چي يو ښه مجهز تعمير د پوهنځی لپاره خورا اړين دی، چي د پوهنځی په روان پنځه کلن پلان کي شامل دی، چي نوموړي تعمير کي به لکچر هالونه، تدريسي ټولګۍ، کمپيوټر ليب، اداري اطاقونه، کتابتون، د مطالعې اطاقونه، کنفرانس هال او داسي نورو ځايونو، چي د مختلفو سهولتونو لکه: برېښنا، اوبه، د کولر سيسټم او نور درلودونکي وي.

ظرفيت لوړول:

خپلو موخو ته د رسېدلو لپاره بايد د پوهنځی د ظرفيت لوړولو په برخه کي هلي ځلي وسي او ورته لنډ مهاله او اوږد مهاله پروګرامونه په نظر کي ونيول سي. د ظرفيت لوړولو څخه هدف مو د علمي او اداري کارمندانو د علمي او کاري کچې لوړول، د محصلينو لپاره روزنيز پروګرامونه دايرول، پوهنځی په نوي ټکنالوژي بسيا کول او داسي نوري هغه کړني، چي د ټولني واړتياوو ته ځواب ويلی سي، پلي کوو.

د کيفيت د لوړوالي معارونه پلي کول:

د کيفيت د معياري اصولو په نظر کي نيولو سره د يوه سيسټم، پروژې او خدماتو، نظارت، ارزونه او پلان جوړونه د تضمين کيفيت (Quality Assurance) په نامه ياديږي. پوهنتون د ۱۱ اصلي معيارونو درلودونکي دي، چي د کيفيت د لوړوالي معيارونه بلل کيږي، چي عملي کېدو سره به يې ډير ژر پوهنځی خپلو ستراتيژيکو موخو ته رسيدلی وي، د کمپيوټر ساينس پوهنځی د تضمين کيفيت معيارونه پلي کوي. لکه: په منظم ډول د هري کمېټې کړني مخته وړل، د کمېټو ارزونه، ځان ارزونه، کمزوري ټکي په قوي ټکو بدلول، تطبيقي پلان جوړونه، محصلين مخامخ د منطقوي او ملي پراختيا سره د ښوونيز نصاب يا نورو فعاليتونو له لاري ښکېل کول، مالي پلان ګزاري، د ټولو برنامو يو کلن نظارت، پيداګوژي، د برېښنايي زده کړو اماده کول او د ټکنالوژي استفاده کول، څېړني ترسره کول، جنډر مراعت کول او داسي نور.

د تدريسي پروسې معياري کول:

تدريس د استاد او محصل متقابل عمل دی. د تدريسي پروسې معياري کول او د Outcome based Education  يا OBE  او همدارنګه  Student Centered Learning  يا SCL  په اساس د زده کړو پروسه مخته وړل، د پوهنځی د اساسي ارزښتونو، ستراتيژيکو هدفونو او لېرليد ته د رسېدو په برخه کي له لومړيتوبونو څخه دي.

څېړنه او نوښت:

د ټولني د غوښتنو په اساس څېړنه ترسره کول يو اصل دی، د کمپيوټر ساينس پوهنځی به د استادانو او محصلينو په مرسته علمي څېړني ترسره کړي، چي ددې کار لپاره پوهنځی د څېړني کمېټه لري، چي د څېړنو مربوط ټول کارونه تنظيموي.

د استادانو د داخلي مقالو اړوند معلوماتي جدول

کتنې	د مقالې اړوند معلومات		د استاد نوم	ګڼه
	د ژورنال او نيټې اړوند معلومات	د مقالې عنوان
		په کندهار کی د محصلینو پر استعدادنو باندی د ټولنیزو رسنیو اغیزی	پوهنيار حبيب الهي رحماني	۱
		مقایسوی مطالعه: د MongoDb او Mysql تر منځ فرق
	منډیګک، د کندهار پوهنتون علمي او تحقیقي مجله لمړي کال، دوهمه ګڼه، کب ۱۳۹۵ل.	په ښوونیز بهیر کي د معلوماتو او اړیکو ټیکنالوجیو (ICTs) اغېزې	پوهنمل سيداحمد محبوبي	2
	نارنج، د کندهار پوهنتون علمي او تحقیقي مجله دوهمه ګڼه، لیندۍ ۱۳۹۵ل.	په لوړو زده کړو کښي د بریښنايي زده کړو د عملیاتي پلان اغیزي
	منډیګک، د کندهار پوهنتون علمي او تحقیقي مجله دوهم کال، لمړي ګڼه،وږی ۱۳۹۶ل.	په افغانستان کي بریښنايي حکومتولي

 

استادانو د نړيوالو مقالو اړوند معلوماتي جدول

کتنې	د مقالې اړوند معلومات			د استاد نوم
	لینک	ژورنال او د خپريدو اړوند معلومات	د مقالې عنوان
د کاکړ صاحب سره په ګډه	https://www.ej-eng.org/index.php/ejeng/article/view/1976	European Journal of Engineering Research and Science Vol 5 No 7: JULY 2020	A Review of Probabilistic Techniques Used for Web Browsers’ Caching	پوهنيار محمدصادق روحي	1
	https://ieeexplore.ieee.org/document/9249034	IEEE Sensors Journal Volume 21 Issue 4 05 November 2020	Design and Testing of an Epidermal RFID Mechanism in a Smart Indoor Human Tracking System
د روحي صاحب سره په ګډه	https://www.ej-eng.org/index.php/ejeng/article/view/1976	European Journal of Engineering Research and Science Vol 5 No 7: JULY 2020	A Review of Probabilistic Techniques Used for Web Browsers’ Caching	پوهنيار عبدالستار کاکړ	2
	https://ieeexplore.ieee.org/document/7051566	IEEE Visual Communications and Image Processing (VCIP) 02 March 2015	A parallel Huffman coder on the CUDA architecture	پوهنيار حبیب الهي رحماني	3
	https://techniumscience.com/index.php/socialsciences/article/view/2959	Technium Social Sciences Journal Vol 18 2021	Success factors for e-learning implementation in Afghan higher education institutions(2021-04-07)	پوهنمل سیداحمد محبوبي	4
	https://ieeexplore.ieee.org/document/9666687	2021 IEEE 12th Annual Ubiquitous Computing, Electronics & Mobile Communication Conference (UEMCON)	Diabetic Retinopathy Classification with pre-trained Image Enhancement Model	وحیدالله مدثر	5

 

مالي سرچينې موندل:

د کمپيوټر ساينس پوهنځی کولای سي، چي د خپل ځان لپاره مالي لاري ولټوي، ترڅو د پوهنځی سره د ستراتيژيک پلان په عملي کولو کي مرسته وکړي، د کمپيوټر ساينس پوهنځی په پلان کي لري، چي يو داسي سافټوير هاوس   او ډاټا سنټر رامنځته کړي، چي و ټولني ته با کيفيته او با ضمانته سيسټونه جوړ کړي او ترڅنګ به يې ځيني اړين کورسونه دايروي، چي په دې سره به پوهنځی عايد ترلاسه کوي او د پوهنځی په مالي سرچينو کي به حسابيږي.

په ټکنالوژي بسيا کېدل:

د پوهنځی په ټکنالوژي بسيا کېدلو څخه هدف د پوهنځی د تشکيل لکه: استادانو، اداري کارمندانو او د محصلينو چاري کمپيوټري کول دي.

د کمپيوټر ساينس پوهنځی به د کارونو د ښه اجراء په موخه ځيني کمپيوټري سيسټونه جوړ کړي. لکه: د محصلينو دثبت سيسټم، د استادانو او اداري کارمندانو د حاضرۍ سيسټم، د استحقاق سيسټم، د محصلينو د حاضرۍ کمپيوټري سيسټم، د امتحاناتو سيسټم، د نتايجو او پايلو سيسټم، د راپورونو، مکتوبونو، غوښتنليکونو او نورو پاڼو او شواهدو سيسټمونه.

په پوهنځی کې موجوده امکانات

 

کمپيوټر ليب:

 کمپيوټر ساينس پوهنځی يو کمپيوټر ليب لري، چي ټول تدريسي سافټويرونه پکښي نصب او محصلين ورڅخه استفاده کولای سي او په پلان کي لري چي راتلونکي کي یو معیاري لیب او د معلوماتي تیکنالوجي یو لابراتوار د تدریسي بهیر  د پیاړود تیا  لپاره ولري.

 

کتابتون:

کتابتون هغه ټولنيزه مؤسسه ده، چي په هغه کي کتابونه، اسناد او د بشر پوهه په مرتب ډول راټوله، طبقه بندي، منظمه او ترويج کيږي. کتابتون ټولني ته د معلوماتو د ليږدولو اغېزمنه لاره ده، د کمپيوټر ساينس پوهنځی د کندهار پوهنتون په عمومي کتابتون کي خپل جلا د کتابونو ځای لري، چي د پوهنځی اړوند مختلف کتابونه په کښي پراته دي، ترڅو محصلين وکولای سي، چي استفاده يې کړي او خپله پوهه پرې زياته کړي او د پوهنڅي په داخل کي هم یو کوچني کتابتون لري چي استادان ترینه استفاده کولاي شي.

 

برېښناييز کتابتون:

دا ډول کتابتون د ويب سايټ له لوري محصلينو ته خدمات وړاندي کوي، کوم چي د کمپيوټر ساينس پوهنځی اړوند کتابونه په کښي په سافټ ډول پراته دي،او ګران محصلين کولای سي، چي د خپلي خوښي او تدريسي مضامين ترې ډاونلوډ کړي.

معياري تدريسي ټولګي:

ددي لپاره چي، په تدريسي بهير کي د عصري توکو څخه استفاده وسي او محتويات يې په اسانۍ سره تر محصلينو ورسيږي، نو د معياري ټولګيو و موجوديت ته ضرورت پيداکيږي. همدا وجه ده، چي د کمپيوټر ساينس پوهنځی خپلو محصلينو ته په عصري وسايلو سمبال ټولګي اماده کړي دي، کوم چي په مختلفو معياري توکو سمبالي دي. لکه: سپينه تخته، پروجکټور، سټېج، دخبرتياوو تخته او نورو ضروري لوازمو درلودونکي دي.

لنډمهاله کورسونه:

کمپيوټر ساينس پوهنځی د خپلو محصلينو د مهارتونو د زياتولو،  په خپل مسلک کي ماهر کولو او پوهي او کاري تجربې زياتولو په موخه لنډمهاله زده کړيز کورسونه دائيروي، ترڅو د تدريسي بهير ترڅنګ د محصلينو وړتيا زياته کړي.

د تیر کال مهمي لاسته راوړني :

 

• د ترانسپورت او هوانوردي وزارت ته د۳۰ تنو محصلانو معرفي چي په هغو کي د ټول افغانستان په سطحه ډیر شمیر کامیاب شوي او په لوړو بستونو مقرر شوي محصلان  د کندهار پوهنتون کمپیوټر ساینس پوهنځی څخه وو.
• افغان بیسیم او د دعوت او ارشاد امرین ته د انټرشیف او عملي کار لپاره د زیات شمیر محصلانو معرفي او په کار کول
• د عامه پالیسي جوړوني په سیالي کي چي د کندهار پووهنتون عامه اداري او پالیسي پوهنځی لخوا ترتیب شوي وه دریم مقام تر لاسه کول.
• د ننګرهار پوهنتون عامه اداري پوهنځي ته د ویب سایټ جوړول
• خصوصي او امارتي مکاتبو ته  د کمپیوټر ساینس پوهنځي په اړه د معرفي سیمینارونه دایرول
• د کندهار ولایت مخابرات ریاست، AEBT ، او خصوصي پوهنتونونو سره د دوه ې‎طرفه تفاهمونو لاسلیک او ګډه همکاري
• د کندهار ولایت البدر قول اردو ته د مسلکي کسانو(IT) بستونو لپاره د ۸ تنو محصلانو معرفۍ او په دوندو ګمارل
• د سیسکو نړیوالي اکاډمي  سره ګډ تفاهم لیک چي په دي سره محصلانو او استادانو ته وړیا کورسونه او منابع برابروي.