د ۴۹ خالي اداري بستونو له پاره تحریري آزموینه واخیستله سوه

kdru_admin
Tue, Dec 05 2023 10:45 AM
/

د یکشنبې په ورځ، د کندهار پوهنتون د غونډو په عمومي تالار کښي، د کندهار، زابل او د افغانستان د کرنیزو علومو او ټکنالوژۍ ملي پوهنتون د ۴۹ خالي اداري بستونو له پاره د ۲۴۰ کاندیدو کسانو څخه تحریري آزموینه واخیستله سوه، چي پر مهال ئې د کندهار، زابل او افغانستان د کرنیزو علومو او ټکنالوژۍ ملي پوهنتون مسئولان هم حاضر ول.

په همدې موخه جوړه سوې غونډه چي د قرآن کریم د څو مبارکو آیاتو په تلاوتولو پېله سوه، په سر کي، د کندهار پوهنتون رئېس م. اکرم شاه عاصم د لوړو زده کړو وزارت څخه راغلي پلاوي او کاندیدانو ته ښه راغلاست ووایه او وروسته ئې وویل: د هري ادارې د شفافیت له پاره او د وړ کادرونه د جذب له پاره آزموینه اخیستل شرط دئ، هغه زیاته کړه؛ هیواد کښي مو اسلامي نظام راغلی؛ نو اوس باید ټول ځوانان د دې ټولني د اتفاق او ېووالي له پاره کار وکړو. همداراز ښاغلی عاصم زیاته کړه،  ټول وړ او لایق ځوانانو به په یادو بستونو کښي په کار وګمارل سي.

 

ورپسې د لوړو کړو وزارت څخه د راغلي هیئت پلاوي مشر انجینېر حافظ روح الله روحاني په خپلو خبرو کي د آزمویني ټولو ګډون والو ته ډاډ ورکړ، چي د آزمویني ټول بهیر به، پرته له کومي لاس وهني او په شفاف ډول سرته رسېږي، او ستاسي پایلي به ستاسي د استعداد پر اساس اعلانیږي. هغع د کندهار پوهنتون د مسئولانو او استادانو له همکاري څخه خوښي وښوده، چي د دې پروسې په منظم ډول مخ ته وړلو کښي ئې بشپړه همکاري ورسره کړې.

 

تر مراسمو وروسته د پوښتنو صندوق د کندهار پوهنتون رهبرۍ، د لوړو زده کړو وزارت راغلي هيئت او د آزمويني دوو ګډونوالو پرانيست او ټولو ګډون والو ته په منظم ډول د سوالو فورمې ووېشلي سوې، وروسته د آزمويني بهیر د مسئولانو او د هیئت غړو په منظم ډول وڅاره.

Latest news

Wed, Feb 07 2024 10:49 AM
Background image

د شخصي لوړو زده کړو مؤسساتو د پسرلني سمیسټر کانکور آزموینه واخیستله سوه

په کندهار کښي، د ملالۍ، میرویس نیکه، سبا، بېنوا او لمر د لوړو زده کړو شخصي مؤسسو د (۱۴۰۳.ل) کال د پسرلني سمیسټر د شمولیت له پاره د دوولسم او څوارلسم ټولګیو ګڼ شمېر فارغانو څخه، د کندهار. . .

Sun, Jan 07 2024 10:26 AM
Background image

د کمپیوټر زده کړي، له کورس څخه ۱۳۰ محصلان فارغه او د خاصو مراسمو په ترڅ کښي فراغت لیکونه ورکول سول

د شنبې په ورځ، د کندهار پوهنتون د غونډو په عمومي تالار کښي، د کمپیوټر مدیرت او آفیس زده کړي له پروکرامو څخه ۱۳۰ محصلان له دوه میاشتني زده کړو وروسته فارغه سول، چي په همدې موخه د محصلانو. . .

Sat, Jan 06 2024 12:01 PM
Background image

د طب پوهنځي له محصلانو سره مشورتي غونډه وسوه

د کندهار پوهنتون د رئېس الحاج م. محمد اکرم شاه عاصم په مشرۍ؛ د طب پوهنځي د رهبرۍ غړو، استادانو او شپږم صنف ېوولسم سیمیسټر محصلانو سره د طب پوهنځي، د پوهاند ډاکټر عبدالواحد وثیق د غونډو. . .

BACK TO NEWS