د علمي – ديني او معلوماتي سيمينارو په لړ کښي (د واکمن چوپول) په نوم سیمینار دائر سو
د چهار شنبې په ورځ، د کندهار پوهنتون مسلکي پرمختيايي مرکز پېل کړې د (روښانه راتلونکى) په نوم د علمي، ديني او معلوماتي سيمينارو په لړۍ کښي د سهار نهم (پرله پسې نهه شپېتم) معلوماتي سیمینار، د ښووني او روزني پوهنځي د پښتو ژبي او ادبياتو څانګي استاد پوهنمل عطاء الله محمدي وړاندي کړ.
ښاغلي محمدي لومړی (د واکمن چوپول) اړوند جوړ سوى معلوماتي پرېزينټېشن پېل کړ، چي په هغه کښي ئې د حضرت عمر رضي الله تعالى عنه د ژوند په اړه بېلابېل معلومات راوړي ول او بيا ئې د هغه رضي الله تعالى عنه او په يمايمه کښي د ټپي سوي ېوه صحابي رضي الله تعالى عنه ترمنځ د هغو سوو خبرو په اړه بحث وکړ، چي په پاى کښې حضرت عمر رضي الله چوپ سوى وو او د هغه صحابي څخه ئې بخښه غوښتې وه.
د سيمينار په پاى کښي د محصلانو و بېلابېلو پوښتنو ته، چي د يادي موضوع اړوندي وې؛ جوابونه وويل سول او سيمينار د دؤعا په ويلو سره پاى ته ورسېد.
د يادولو وړ ده، چي دا لړۍ هره اونۍ د چهارشنبې په ورځ پر (١٠:٣٠) بجې او پنجشنبې په ورځ د ماپښين پر (٠٢:٣٠) بجې بېلابېلو محصلانو ته وړاندي کيږي.
پنج شنبه:۱۴۴۵/۴/۳۰
د عامه پوهاوي او اړیکو آمریت
