د شرعیاتو پوهنځي او د ابراهیم النخعي ؒ جامعې ریاست ترمنځ د دوه اړخیزو همکاریو هوکړه لاسلیک سو

kdru_admin
پنجشنبه ۱۴۰۲/۸/۲۵ - ۹:۳۳
/

د سې شنبې په ورځ، د کندهار پوهنتون د علمي شورا د غونډو په تالار کښي، د کندهار پوهنتون د شرعیاتو پوهنځي او د کندهار ابراهیم النخعي ؒ جامعې ریاست ترمنځ د دوه اړخیزو همکاریو هوکړه لاسلیک سو، چي پر مهال ئې د دواړو اړخونو رهبرۍ، د پوهنځیو رئېسانو او استادان حاضر ول.

 

په همدې مناسبت جوړه سوې غونډه، چي د قرآن کریم د څو مبارکو آیاتو په تلاوتولو سره پېل سوه؛ په سر کښي د کندهار پوهنتون رئېس م. اکرم شاه عاصم ټولو ګډون والو ته ښه راغلاست ووایه، ورپسې ئې د دوه اړخیزو همکاریو پر ارزښت باندي بحث وکړ او د دواړو اړخونو د دوامداري همکارۍ غوښتنه وکړه.

 

همداراز د کندهار د ابراهیم النخعي ؒ جامعې ریاست رئېس قاضي عبدالصادق غزنوي؛ د کندهار پوهنتون سره د ګډو همکاریو په هوکړه خوښي وښووله، چي په خبره ئې، کندهار پوهنتون د علمي کادرونو د روزني اوږده مخینه لري، د هیواد زرونه ځوانان ئې د لیسانس او ماسټرۍ تر کچي په معیاري او مسلکي توګه روزلي او ټولني ته ئې د خدمت په موخه وړاندي کړي.

 

د یاد هوکړه لیک په مرسته به دواړه نهادونه هڅه کوي، ترڅو د څېړني، نصاب بیاکتني، کیفیت د تضمین، علمي کنفرانسو او ځینو نورو برخو کښي خپلي تجربې ېو له بل سره شریکي کړي او له سته آسانتیاؤ او فرصتونو څخه به د ېو او بل په ګټه کار اخلي.

 

وروسته غونډه د دؤعا په ویلو پای ته ورسېده.

چهارشنبه:۱۴۴۵/۴/۲۹

د عامه پوهاوي او اړیکو آمریت

تازه ترین اخبار

دوشنبه ۱۳۹۸/۶/۴ - ۱۶:۱
Background image

تعميراديتوريم

جهت زيبائی تعميراديتوريم ساحه چهار اطراف آن ليول ګرديده است که درآينده برای سرسبزی خوبتر اماده ګرديده باشد.

BACK TO NEWS