The Message of Kandahar University’s Chancellor 

Kandahar University, established in 1990-1369 under the auspices of the Ministry of Higher Education, holds a prominent position among the five distinguished universities. Located in the former capital and current political and cultural hub of Kandahar, it also monitors the academic and administrative affairs of five provincial universities: Kandahar, Helmand, Oruzgan, Zabul, and Daikundi.

Kandahar University aspires to emerge as a leading institution in various scientific disciplines, providing exceptional education and conducting groundbreaking research for the betterment and advancement of society. Under the leadership of a dedicated, experienced, and proficient leadership team, Kandahar University strives to establish itself as a reputable and esteemed global institution.

Shekh Moulavi Abullrahman tuiabi

کمپیوټر ساینس پوهنځي د خپلو ۶۹ فارغانو مراسم په شانداره ډول ولمانځل

kdru_admin
چهارشنبه ۱۴۰۳/۴/۲۰ - ۱۵:۵۲
graduation of cs faculty

د سې شنبې په ورځ، د کندهار پوهنتون د کمپیوټر ساینس پوهنځي۶۹ محصلان له څلور کلونو زده کړو وروسته فارغ سول، چي په همدې موخه یاد پوهنځي د کندهار پوهنتون د غونډو په عمومي تالار کښي د فراغت شانداره مراسم ور ته جوړ کړي ول، چي پکښي د کندهار پوهنتون مسئولان، د دولتي او شخصي ادارو مسئولان، استادان، علماء کرام او د فارغو سوو محصلانو د کورنیو غړي حاضر ول.

مراسم چي د قرآن کریم د څو مبارکو آیاتو په تلاوتولو سره پېل سول؛ په سر کښي، د کمپیوټر ساینس پوهنځي رئېس نیازمحمد دوست یار، ټولو ګډونوالو ته ښه راغلاښت ووایه؛ ورږسته ئې فارغان و نورو لوړو زده کړو ته وهڅول او پر مسئولانو ئې ږغ وکړ، چي د هیواد په ټولو اداري چارو؛ په ځانګړي توګه ټیکنالوژیو او معلوماتي اړوندو برخو کښي دي، له دې ځوانۍ انرژۍ څخه ګټه واخیستله سي.

ورپسې د کندهار د پوهني رئېس مولوي فخرالدین نقشبندي فارغانو ته د ېوالي او اتفاق پر ګټو، د استادانو پر احترام او د ځوانانو پر مسئولیت هر اړخیزه وینا وکړه او له ټولو فارغو سوو کسانو څخه ئې وغوښتل؛ تر څو د دې ځورېدلي اولس له پاره په پوره اخلاص خدمت وکړي او د دې ځورېدلي ملت زخمونه په پوره اخلاص او مېړاني سره پټۍ کړي.

وروسته د کندهار پوهنتون رئېس الحاج شېخ مولوي عبدالرحمن طیبي ټولو فارغانو ته مبارکي وویله؛ ورپسې ئې فارغانو ته په اشاره وویل: تاسي بختور خلګ یاست، چي الله سبحان وتعالی پوهه در نصیب کړه؛ ځکه کله چي الله سبحان وتعالی چاته د خیر اراده وکړي؛ نو الله سبحان و تعالی هغه ته روا پوهه ورکړي او د علم په ښایست ئې سمبال کړي.

ښاغلې طیبي زیاته کړه، چي د مجاهدینو د قربانیو او د اولس د همکاریو په پایله کښي الله جل‌جلاله شرعي نظام حاکم کړ؛ ولي اوس موږ او تاسي د دې سپېڅلي نظام د دوام او ټینګښت په برخه کښي هر ېو خپل مسئولیت په ښه توګه اداء کړو.

غونډي په وروستیو کښي، د کندهار د مخابراتو رئېس مولوي نورالله نوري او نورو مسئولانو هم ویناوي وکړې، دوی فارغان و نورو لوړو زده کړو او د هيواد پرمختګ او آبادۍ ته وهڅول، چي دا هیواد مسلکي کادرونو ته اړتيا لري او د آبادۍ له پاره به ئې په ګډه کار کوو‍. د غونډي په ورستیو کښي، ټولو فارغو سوو محصلانو ته د فراغت تصدیق پاڼي ورکړل سوې او غونډه د دؤعا په ویلو سره پای ته ورسېدله.

نېټه: ۱۴۰۳/۴/۲۰