د کوچني اختر د رخصتيو د پاى ته رسېدو او د منځنيو آزموينو د پېل نېټه تائيد او اعلان سوه

kdru_admin
Wed, Mar 26 2025 12:18 PM
image



د کندهار پوهنتون د علمي شورا د غونډو په تالار کښي، د محصلانو چارو مرستیال محترم مولوي نوراحمد ایوبي صاحب په مشرۍ د آزمویني کمېټې د (١٤٠٤.ل) کال اوله نوبتي ناسته وسوه.

ناسته چي د قرآن کریم د څو مبارکو آیاتو په تلاوتولو سره پېله سوه، په سر کښي د کندهار پوهنتون رئېس محترم شیخ مولوي عبدالرحمن طیبي صاحب ټولو ګډونوالو ته ښه راغلاست ووایه؛ ورپسې ئې د خپلو خبرو پر مهال د آزمویني پر نظم، شفافیت، آزموینو ته د محصلانو پر وخت راتګ او ځینو نورو مهمو برخو اړوند خبري وکړې.

وروسته د محصلانو چارو مرستیال محترم مولوي صاحب نور احمد ایوبي وویل: په ټولو پوهنځیو کي تدریسي بهیر د پلان له مخه په منظمه توګه جریان لري او د آزمویني د انسجام او تفاهم کمېټې د پرېکړي سره سم به، د روان سميسټر منځنۍ آزمویني د (١٤٠٤.ل) کال د وري (حمل) د میاشتي پر (٢٣مه) نېټه پېل سي.

د ناستي په ورستیو کي د آزمویني د انسجام او تفاهم کمېټې غړو د آزموینو په لا ښه ډول اخیستلو او نورو اړوندو برخو په اړه خپل نظرونه وړاندي کړل، او له خپله اړخه ئې د هر راز همکاریو ډاډ وښود.
وروسته ناسته د دؤعا په کولو سره پای ته ورسېده.

يادونه؛ د اختر له رخصتۍ وروسته به تدریسي بهیر، د حمل د میاشتي پر (١٦مه) نېټه د شنبې په ورځ پېل سي او د روان سميسټر منځنۍ آزمویني به د (١٤٠٤ل.) کال د وري د میاشتي پر (٢٣مه) نېټه پېل سي.

نېټه: ۱۴۰۴/۱/۶