د پوهنځیو ترمنځ د والیبال بازۍ پېل سوې
د کندهار پوهنتون د محصلانو د خدماتو د انسجام آمريت په هڅه، د پوهنځیو ترمنځ د والیبال بازۍ د شاندارو مراسمو په ترڅ کښي رسماً پېل سوې.
د محصلانو د خدماتو د انسجام آمريت مسئولان وايي؛ دا بازۍ ئې د محصلانو د تشویق، د غیرو سالمو رقابتو د مخنیوي، د جسمي او رواني ناروغیو څخه د ژغورني، د مسئولیت د حس د پیاوړتیا او په ټولنيزو کارو کښي د ګډون په موخه پېلي کړي.
د یادوني وړه ده، چي دا بازۍ به، ېوه اونۍ دوام ولري، چي شاوخوا دوولس لوبډلي ګډون پکښي لري؛ د یادو بازیو لومړۍ بازي د ژبو او ادبیاتو پوهنځي ګټلې او دوهمه بازي د ژورنالیزم او عامه اړیکو پوهنځي په ګټه پای ته رسېدلې ده.