د ښووني او روزني پوهنځي محصلانو ترمنځ د حسن قرائت سیالي وسوه
د کندهار پوهنتون د ښووني او روزني پوهنځي د فرهنګي کمېټې په نوښت او د مسلکي پرمختیايي مرکز په همکاري، د همدې پوهنځي د بېلابېلو څانګو د (۳۹) محصلانو ترمنځ؛ د درې کسیزه هیئت په حضور کښي، د حسن قرائت سیالي وسوه، چي پکښي د دعوت او ارشاد آمر، د پوهنځیو استادانو، اداري کارمندانو او محصلانو حاضر ول.
سیالي د قرآن کریم د څو مبارکو آیاتو په تلاوتولو سره پېله سوه؛ ورپسې د دعوت او ارشاد آمر مولوي فضل احمد فضلي د قرآن کریم، حسن قرائت او تجوید پر اهمیت خبري وکړې.
وروسته د ښووني او روزني پوهنځي د اسلامي علومو او فرهنګ څانګي استاد او د هیئت غړي محمد تمیم عزیزي د یادي سیالۍ د جوړښت او ترتیب په اړه له ګډونوالو سره معلومات شريک کړل.
ورپسې سیالي پېله سوه، چي د ټولو قاریانو تر قرائت ویلو وروسته، لس غوره قرائت ویونکي اعلان او د ستاینلیکو ترڅنګ په بېلابېلو جایزو تشویق او وستایل سول.
مراسم د دؤعا په ویلو سره پای ته ورسېدل.
دو شنبه: ۱۴۴۵/۷/۴
د عامه پوهاوي او اړیکو آمریت
