د پروپوزل لیکني درې ورځنی ورکشاپ پای ته ورسېد
د سې شنبې په ورځ، د کندهار پوهنتون د مسلکي پرمختيايي مرکز د غونډو په تالار کښي، د علمي څېړنو او مجلو معاونیت اړوند د علمي څېړنو آمريت پېل کړی درې ورځنی د پروپوزل لیکني ورکشاپ پای ته ورسېد.
د ورکشاپ په وروستیو مراسمو کښي، د کندهار پوهنتون د علمي څېړنو مرستیال دوکتور پوهندوی انجینېر کمال الدین کمال د یاد ورکشاپ پر ارزښت وینا وکړه او ګډونوالو ته ئې په راتلونکي کښي د ورته نورو ورکشاپو د دائرولو او د علمي څېړنو په برخه کښي د لا نورو آسانتیاؤ د برابرولو ډاډ ورکړ.
همداراز ورکشاپ کښي ګډونوالو هم د کندهار پوهنتون د مسئولانو او د استادانو څخه ځانکړې مننه وکړه، چي د پروپوزل لیکني اړوند ورکشاپ ئې دائر کړ او په راتلونکي کښې د ورته نورو ورکشاپو د دائرولو غوښتنه وکړه.
د ورکشاپ په وروستیو کښي ټولو ګډونوالو ته تصدیق پاڼي ورکول سوې او په ژوند کښي د لابریالیتوب دوعاوي ورته وسوې. وروسته ورکشاپ د دوعا په ویلو پای ته ورسېد.
نېټه: ۱۴۰۳/۵/۹