د کندهار پوهنتون منډيګک او نارنج علمي مجلې چاپ سوې
د کندهار پوهنتون د څېړنو او علمي مجلو معاونیت؛ د (۱۴۰۳ ه.ش) کال، اوله ګڼه منډیګک علمي مجله په ۱۸۴ مخو کښي چاپ کړه، چي ۱۴ علمي او تحقيقي مقالې پکښي ځای سوي دي.
همداراز د کندهار پوهنتون د ساینسي او طبي علومو اړوند، د (۱۴۰۳ ه.ش) کال، اوله ګڼه؛ نارنج علمي مجله هم چاپ کړه، چي په ۱۶۶ مخو کښي، ۱۴ طبي او تحقيقي مقالې پکښي راغلي دي.
په يادو مجلو کښي، د کندهار پوهنتون او هیواد د نورو پوهنتونو د بېلابېلو پوهنځیو استادانو او محصلانو پر مختلفو علمي او طبي موضوعاتو باندي څېړني کړي دي.
د یادوني وړ ده، چي مینه وال کولای سي، چي یادي علمي مجلې د کندهار پوهنتون د څېړنو او علمي مجلو معاونیت د مجلو آمریت څخه ترلاسه کړي.
نېټه: ۱۴۰۳/۱۰/۸