د کندهار پوهنتون طب پوهنځي د ماسټرۍ (MPH) برنامې د نوم ليکني او د تدريس د شروع خبرتيا!
د کندهار پوهنتون د محصلانو چارو معاونيت، د طب پوهنځي د ماسټرۍ (MPH) برنامې ټولو هغه بریالیو ډاکټرانو ته، چي د کانکور په آزموینه کي بریالي سوي دي؛ خبر ورکوي، چي د رواني اسد میاشتي د (۱۵مي) نېټې (يک شنبه) څخه، بیا تر (۱۹ مي) نېټې (پنجشنبه) پوري؛ د کندهار پوهنتون د محصلانو چارو معاونیت ته د نوم لیکني له پاره تشریف راوړي.
یادونه: د یادي ماسټري (MPH) برنامې تدريس به د ۲۱/اسد/۱۴۰۲ل. نېټه رسماً پېل سي.
• د ماسټرۍ برنامې د نوم لیکني له پاره شرایط او لازم اسناد
١: د تحصيلي اسنادو اصل باید موجود يي؛
٢: ستاژ دورې ترانسکریپټ او دوې رنګه کاپي؛
٣: اصلي ډیپلوم او دوې رنګه کاپي؛
٤: اصلي ټرانسکریپټ او دوې رنګه کاپي؛
٥: اصلي تذکره او دوې رنګه کاپي؛
٦: دوه عکسونه.
