د کندهار او کابل پوهنتونو شرعیاتو پوهنځيو ترمنځ د علمي همکارۍ هوکړه لیک لاسلیک سو
د پنجشنبې په ورځ د کندهار پوهنتون د شرعیاتو پوهنځي، د کابل پوهنتون له شرعیاتو پوهنځي سره د مرستي هوکړه لیک لاسلیک کړ.
د یاد هوکړه لیک د لاسلیک په غونډه کښي د کندهار پوهنتون رئېس الحاج م. اکرم شاه عاصم، د کندهار پوهنتون د شرعیاتو پوهنځي رئېس م. حزب الله کندهاري، د کابل پوهنتون رهبري او د شرعیاتو پوهنځي استادانو برخه اخیستې وه.
نوموړی هوکړه لیک د دواړو بنسټونو ترمنځ د کندهار پوهنتون شرعیاتو پوهنځي ماسټرۍ پروګرام، څېړنیزو او تدریسي مسایلو، د استادانو روزني، سمینارونو، ورکشاپونو او کنفرانسونو په اړه ترسره سو.
د کابل پوهنتون رئېس دکتور اسامه عزیز د کندهار پوهنتون رهبرۍ ته د ښه راغلاست ترڅنګ د موضوع د اهمیت په اړه خبرې وکړې او د یاد هوکړه لیک د ټولو برخو پر عملي کولو یې ټینګار وکړ.
د کندهار پوهنتون رئېس الحاج م. اکرم شاه عاصم د نوموړي هوکړه لیک له پلي کېدو ډاډ ورکړ او هغه یې په علمي مسایلو کي د کندهار پوهنتون شرعیاتو پوهنځي مهمه لاسته راوړنه یاده کړه.
د کندهار پوهنتون شرعیاتو پوهنځي رئېس م. حزب الله کندهاري او همدارنګه د کابل پوهنتون شرعیاتو پوهنځي رئېس ښاغلي شیخ عبدالمعید ابوالجراد یاد هوکړه لیک د مرستي په برخه کي د مهمو مسایلو له امله ټولنیز او بډایه یاد کړ.
د یادوني وړ ده د غونډې په وروستيو کي د کابل پوهنتون فارمسي پوهنځي رئېس ښاغلي پوهنوال آقامحمد ژکفر، چې په یاده غونډه کي برخه اخیستې وه؛ د کندهار پوهنتون فارمسي پوهنځي سره د مرستي چمتووالی وښوود، په پام کي ده؛ چي په راتلونکي کي به په دې برخه کي هم هوکړه لیک لاسلیک سي.
شنبه ۱۴۴۵/۲/۳۰
د عامه پوهاوي او اړیکو آمریت
