د علمي – ديني او معلوماتي سيمينارو په لړ کښي د (خیرات عوض) په نوم سیمینار دائر سو
د چهار شنبې په ورځ، د کندهار پوهنتون مسلکي پرمختيايي مرکز پېل کړې د (روښانه راتلونکى) په نوم د علمي، ديني او معلوماتي سيمينارو په لړۍ کښي د سهار اووم (پرله پسې پنځه شپېتم) معلوماتي سیمینار، د ښووني او روزني پوهنځي د پښتو ژبي او ادبياتو څانګي استاد پوهنمل عطاء الله محمدي وړاندي کړ.
ښاغلي محمدي لومړی (د خیرات عوض) اړوند جوړ سوى معلوماتي پرېزينټېشن پېل کړ، چي په هغه کښي راغلي ول، چي يو غريب ښوونکى د بل ناتوانه موټرچلوونکي سره په ډېره تنګ لاسۍ کښي په داسي حال کښي، مرسته کوي، چي خپله هم ډېر اړ يي. وروسته بيا خداى جل جلاله و ښوونکي ته د خپل خيرات عوض ورکوي او بل لا دا چي په څو چنده ئې ورکوي، بيا ئې د اړوندي موضوع په اړه په اوسني وخت کښي څو بېلګي وړاندي کړلې.
د سيمينار په پاى کښي د محصلانو و بېلابېلو پوښتنو ته، چي د يادي موضوع اړوندي وې؛ جوابونه وويل سول او سيمينار د دؤعا په ويلو سره پاى ته ورسېد.
د يادولو وړ ده، چي دا لړۍ هره اونۍ د چهارشنبې په ورځ پر (١٠:٣٠) بجې او پنجشنبې په ورځ د ماپښين پر (٠٢:٣٠) بجې بېلابېلو محصلانو ته وړاندي کيږي.
