پېژندنه

 دکندهارپوهنتون پېژندنه:

كندهارپوهنتون په(۱۳۶۹ل.-۱۹۹۰م.)كال كي تاسيس سو.چي په ترتيب سره دكرهڼي پوهنځي(۱۳۶۹ل.)، طب پوهنځي(۱۳۷۲ل.)، انجينېري پوهنځي (۱۳۷۹ل.)، ښووني او روزني پوهنځي(۱۳۸۲ل.)، شرعياتو پوهنځي(۱۳۸۸ل.)، اقتصاد پوهنځي (۱۳۸۹ل.) او ژورناليزم پوهنځي (۱۳۹۱ل.)، دحقوقو او سياسي علومو پوهنځي(۱۳۹۲ل.)، دعامه ادارې پوهنځي (۱۳۹۲ل.)پكښي تاسيس اوفعاله دي اود(۱۳۹۳ل.)كال له پاره دژبي اوادبياتواو كمپيوټرساينس پوهنځي هم پكښي پيل كېږي .دپوهنتون له تاسيس څخه تراوسه پوري ئې دهيواد دځوان نسل دسالمي روزني له پاره په خورا سختوامنيتي، سياسي او اقتصادي شرايطو كي خپل كار ته  دوام  ورکړى دئ او تراوسه پوري ئې دمختلفو پوهنځيو( طب، انجنېري، کرهڼي او ښووني او روزني )  څخه په مختلفو برخو كي فارغين وركړي دي .کندهارپوهنتون دجنوب لويديځ زون په سطحه دټولو دولتي او شخصي لوړوزده کړو دمؤسسودڅارني مرکزدئ. اوهمدارنګه ئې په (١٣٨٧ل.) کال کي لومړى فليال (څانګه) په هلمند کي، دکرهڼي پوهنځي پرانستل او په(١٣٩١ل.) كال کي ئې دوهم فليال په  روزګان ولايت كي، دښووني او روزني پوهنځي پرانستل .