د علامه حبیبي کتابتون آمریت له پاره نوی آمر وټاکل سو
د دوشنبې په ورځ، د کندهار پوهنتون د علامه حبیبي کتابتون آمریت له پاره په درېیم بست کښي، ذبیح الله آغا نوی آمر وټاکل سو.
د پېژندني یاد مراسم، چي د قرآن کریم د څو مبارکو آیاتو په تلاوتولو پېل سول؛ په سر کښي، د کندهار پوهنتون د مالي او اداري چارو مرستیال انجینېر اکرام الله صهيب د علامه حبیبي کتابتون آمریت له پاره نوی آمر ته د دندې مبارکي وویله او په خپلو خبرو کي ئې ذبیح الله آغا په کار پوه کس یاد کړ.
انجینېر اکرام الله صهيب د علامه حبیبي کتابتون د عمومي مدیر نور احمد قران مل کارونه وستايل؛ هغه ئې ېو نه ستړى کېدونکى مدیر وباله؛ د هغه د صداقت او اخلاص او د شپې او ورځي د کارو ستاينه ئې وکړه.
