تاريخچه:

دښوونې او روزني پوهنځی دکندهار پوهنتون په چوکات په ۱۳۸۲ کال کښي، يواځي درياضي ديپارتمنت سره، دزارعت، طب، انجنيري پوهنځيو څخه وروسته تاسيس سوه. چي په پيل کي يواځي۲۰ محصلان په همدې پوهنځی کي جذب او دڅلور تنو استادانو له خو تدریس کېدی. ددې پوهنځي  دتاسيس اصلي موخه زموږ دوياړلي هېواد دمعارف په ډګرکښی دستونزو درک وو، دا چي په دې هېواد کښي دسولسيزو جګړو څخه وروسته زموږ تعليمي او ښوونيز نظام دړنګېدو سره مخ وو، نو کندهارپوهنتون رهبريت دلوړو زده کړو وزارت دهڅې سره يو ځای ددې پوهنځې دتاسيس ډبره کښېښوده. د تاسيس څخه تراوسه دښوونې او روزنې پوهنځي کندهار پوهنتون رهبريت په هڅې سره د درو زرو څخه زيات نارينه او ښځينه محصلين 3000)) جذب کړي. چي خوشبختانه دشمېر له کبله دښوونې او روزني پوهنځي  دټولو پوهنځيانو په پرتله يو مخکش پوهنځی ده. ددې پوهنځی محصلان په مختلفو څانګو کي په دوو شفتونو کي سهار او ماپښين په تحصيل بوخت دي، چي د۶۴ تنو استادانو له خوا ورته تدریس چاري مخ ته وړل کېږي.  دا پوهنځی په خپل چوکات کښي دشپې پوهنځی هم لري، چي دلومړی ځل له پاره په ۱۳۸۹ کال کي ايجاد سوه او د تاسيس څخه وروسته په پرله پسي توګه فارغين د پښتو، رياضي، بيولوژي، انګيسي، دري، کېميا، اسلامي ثقافت، جغرافیه، بدني روزنه او تاریخ دڅانګو څخه ټولني ته دخدمت لپاره  وړاندي کوي. په دې برخه کي دولتي مامورين او آزاد اشخاص، چي دورزي له خوا مصروفيتونه لري او دشپې له خوا ورته دتحصيل زمينه مساعده کړي سوی دی.علاو دشپې پر پوهنځی، دغه پوهنځي داخل خدمت محصلين ديوځانګړي ازموينې دآخيستلو څخه ورسته جذبوي او دلومړی ځل له پاره په کال ۱۳۸۹ ددارالمعلينونو دفارغينو څخه امتحان واخيستل سو او دهغه څخه وروسته په پرله پسي توګه دالړی جريان لري.په دې برخه کښي يواځي هغه کسان ګډون کولای سي، چي په مکاتبو کي برحاله معلمان وي.

ليرليد:

 د ښووني او روزني په ډګر کښي د پياوړي او سېکمن فکري بدلون او  پر مختګ راوستل

رسالت:

 د افغاني ټولني له پاره د پياوړي او مسلکي ښوونکو روزل  او د ګټور او تکړه ښوونيز او روزنيز سيستم ايجادول.

هدف:

 داسي علمي او اکادميک کادرونه روزل، چي په ملي او نړي واله کچه منلي، اسلامي او افغاني  فرهنګ ته وفا دار او دهغه پياوړتيا او پراختيا له پاره کار وکړي.

ارزښتونه:

  • د ملي او اسلامي شؤناتو درناوی
  • د ولس د معنوي او مادي پرمختګ او ودي  ټینګ هوډ
  • د بشر د ژوند لوړ مقام او انساني  کرامت ته در ناوی
  • د ټولنيزو مسؤليتونو پېژندنه 
  • د خپلي پوهې په مرسته نورو ته ګټه رسونه
  • محصلانو ته د لوړ  او آزاد فکر  روحيه ورکول
  • د خپل فرهنګ او دودونو وده او پراختيا
  • د ژورو علمي څېړنو او نوښتونو لور ته پاملرنه
  •  مسلکي- علمي پوهه
  • ډله ايز کار او يو له بله سره همکاري
  • د ټولني راتلونکو نسلونو ته د ښووني او روزني د درانه مسؤليت د احساس لېږد.