د سیول څانګه په(۱۳۷۹ل)کال کي تاسيس سوه. دا څانګي په پېل کي پنځه کلن تعليمي نصاب درلود، چي د(۹) علمي سمسټرونو او پنځه مياشتني عملي کار څخه جوړ سوی وو. په (۱۳۸۹ل)کال کي د کينساس پوهنتون، چي د کابل پوهنتون د انجنيري پوهنځی سره ئې ملګریتوب درلود، نوموړی پنځه کلن پروګرام ئې و څلور کلن کريډيټ تعليمي نصاب ته واړوي. اوسمهال سيول څانګه د لوړو زده کړو د وزارت د غوښتني له مخي څلور کلن تعليمي نصاب مخته بيايي او د دې ترڅنګ ئې د دولتي او شخصي سکتور, د ملي او بين المللي پوهنتونونو ټوله ضرورياتو په نظر کي نيولو سره پنځه نوي سلنه کتابونه، ښوونیز مواد، امتحانات او کورنۍ دندي په انګليسي ژبه دي .دا څانګه (۱۱) تنه کادري غړي لری، چي د هغه جملې څخه (۶) تنه استادان ماسټر، او (۳) تنه ئې په بهر کي د ماسټرۍ او (۲) تنه د دوکتورا په زده کړو بوخت دي.د دې څانګي د تاسیس څخه تر اوسه (۷۲۰) تنه ځوان انجنیران تولني د خدمت په موخ فارغ کړي دي او (۳۹۲) تنه محصلان فعلاً په دې څانګه کي په زده کړه بوخت دي.سیول څانګه مجهز لابراتوار لري او همدارنګه يو غني کتابتون هم لري، چی شا او خوا (۱۵۰۰) بېلابېل تدریسی کتابونه په کي موجود دي.

 

د سېول څانګي د  استادانو لنډه پېژندنه

سېول انجنیري څانګه (۱۱) تنه رسمي استادان لري، چي د هغو له جملې څخه دوه تنه په ماسټرۍ او دوه تنه نور په دوکتورا بوخت دي .پاته استادان ماسټران او په څانګه کښي عملا په تدریسي او اداري چارو کي مصروف دي.د سیول څانګي ټول کارکوونکي استادان دي چي د تدريس تر څنګ اداري کارونه هم مخته وړي