پيژندنه:

کمپيوټر ساينس پوهنځی د (۲۰۱۴م)کال د جون په مياشت کي، چي د (۱۳۹۳ل) کال د سرطان د مياشتي سره سمون خوري تاسيس سوه. او موخه ئي  د سيمي او هيواد په کچه په لاندي  برخو  لکه:

  • Databases & Information Systems
  • Software Engineering
  • Networking

 کي د کمپيوټر د علم ماهران روزل دي . دا مهال کمپيوټر ساينس پوهنځی په يوه عمومي څانګه کي محصلين روزي او په راتلونکي وختونو کي به د پورته دريو ذکر سويو برخو  په اساس د دريو څانګو څخه تشکيل سي، چي  په دغه  اړوندو څانګو کي  به د ليسانس تر کچي  پوري  فارغين ورکوي . دغه علمي  مرکز ۸  تنه فعاله او برحاله استادان لري ، چي له دې جملې څخه ئې ۴ تنه ماسټران او پاتي ۴ تنه دا مهال په اروپائي او آسيائي هيوادونو په مختلفو پوهنتونونو کي د ماسټري په زده کړو بوخت دي.د پــوهـنځی د تـاسـيـس څــخـه تــر اوســه پـــوري ۴ ټــولــګـي لــري ، چي شاوخوا (۴۰۰) تنه (۱۴ ښځينه، ۳۸۶ نارينه) محصلين په کښي زده کړه کوي ، اوس د لنډ مهال له پاره د کمپيوټر ساينس پوهنځی د خپل ځانګړي تعمير د نه درلودلو له امله د کندهار پوهنتون د معلوماتي  تکنالوژي په مرکز ITCQ کي  ځاي  لري .پوهنځی د ټولو دولتي ، شخصي  او صنعتي  سکتورونو د اړتياوو په نظر کي  نيولو سره يو څلور کلن نصاب لري ، چي  د لوړو زده کړو د وزارت له خوا تصويب سوی دئ.د پوهنځی تدريسي  مواد لکه تدريسي  کتابونه، لکچرونه، ازمويني او کورني  دندي د نورو نړيوالو پرمختلو پوهنتونو د نصابونو څخه په ګټه اخستلو سره تقريبا ۹۵٪ په انګليسي  ژبه باندي ترتيب سويدي.

 ليرليد:

دهيواد د معلوماتي  او مخابراتي  ټکنالوژي  په برخه کي  د يو مخکښ په توګه د پرمختللو زده کړو او څيړنو له پاره د زمينې  برابرول او د مسلکي  کادرونو روزل.

رسالت:

په اړونده برخه کي سالمه روزنه، ابتکار او ځاني  پرمختګ ته ښه وده ورکول ، د سيمه ئېزو او نړيوالو علمي موسساتو په مرسته د تحقيقاتو له پاره لاره هوارول، د ټولني د ښه والي له پاره د اغېزمنو خدمتونو وړاندي کول.

اهداف:

  • د ظرفيتونو د لوړولو پروګرامونه
  • د لسانس په سطحه د ملي او نړيواله معيار د لوړيدو په منظور د معاصرو او معياري پروګرامونو او موادو چمتو کول
  • زيربنائې  فعاليتونو ته وده ورکول