تاريخچه : 

دلوړو زده کړو دستراتيژيک پلان سره سم دلوړو زده کړو وزارت او کندهارپوهنتون په خپلو پر له پسې او نه ستړي کيدونکو هلو ځلو په لړ کي ، چي دځوانانو و رسمي زده کړو ته دلاس رسي اواصلاح په لاره کي ئې کوي په پايله کي يوه بله ډيره  مهمه علمي رشته ( دعامه ادارې او پاليسی پوهنځی ) په کال ۱۳۹۲ / 2013 کي پرانيستله. دياد ولو وړ ده ، چي دکريکولم جوړولو، تدريسی موادو برابرولو او استادانو دظرفيتونو په لوړولو کي دGIZ  مؤسيسې په تيرو( ۳ )کلنو کي پوهنځی سره دقدر وړ او نه هيريدونکي مرستي کړي دي.

لیرلید:

دعامه ادارې او پاليسي په برخه کي دهيواد مخکښ پوهنځی کيدل، دښو رهبرانو، پاليسي جوړونکو او مسلکي مديرانو روزل، ترڅو افغانستان ديو ښه راتلونکي پر لور رهبري کړي.

رسالت:

دنوي تکنالوژي او اغيزمنو ښوونيزو ميتودونو په مرسته دمسلکي کادرونو روزل، دعلمي څيړنو ترسره کول او دعامه خدمتونو په سمون او بدلون کي برخه اخيستل.

موخی:

  • ټولني ته دښې رهبري او مديرت په برخه کي په کار پوه او وړ کادرونه وړاندي کول.
  • دټولني دستونزو دحل په موخه علمي څيړني ترسره کول.
  • حکومت ته دښه حکومتوالي په برخه کي  سالمي مشورې ورکول.

اساسی ارزښتونه:

  1. شفافيت ، مسئوليت او حساب ورکوني ته وده ورکو.
  2. درښتينوالي انصاف او مساوات ترويجول .
  3. متقابل احترام پياوړی کول .
  4. دافکارو څرګندوني ته وده ورکول.
  5. دعامه ادارې او پاليسي دپوهنځی دلا غني کولو په منظور دکورنيو او باندنيو بنسټونو سره ښې اړيکي ساتل .
  6. په تصاميمو کي د کارکوونکو فعاله ونډه اخيستل او تشويقول .
  7. د پوهنځي ستراتيژيک پلان په جدي ډول تعقيبول .
  8. دعامه ادارې او پاليسي پوهنځی اصول او قوانين مراعتول .
  9. دلوړو زده کړو وزارت او کندهارپوهنتون و ټولو قوانينو ته درناوی کول .