د کندهار پوهنتون داقتصاد پوهنځی د سهیل لویدیز حوزې د اړتیاوو او د موجوده اقتصادي ستونزو د حل له پاره د کرهڼي، طب، انجینري، ښوونه او روزنه او شرعیاتو پوهنځیو څخه وروسته په (۱۳۸۸ل.)کال کي تاسیس سول او په (۱۳۸۹ل.) کال کي د پوهنتون په تشکيل کي شامل چي په لومړي سر کي یوازي د منجمنټ او تشبثاتو اداري څانګه فعاله سول او په تدریس ئې پیل وکړ.اقتصاد پوهنځی د لمړي ځل له پاره په (۱۳۸۹ل.) کال کي د لوړوزده کړو وزارت د کانکور ازمویني له لاري (۱۱۷) تنه محصلان اقتصاد پوهنځی ته معرفي سول، چي د هغوۍ له ډلي دوې تنې ښځینه او (۱۱۵) تنه نارینه وه.د پوهنتون د مشرتابه د هلو ځلو او زیار په پایله کي د اقتصاد پوهنځی له پاره په (۱۳۹۱ل.) کال کي تعمیر جوړ او د ګټي اخستني له پاره چمتو سو.دغه پوهنځی د تاسیس څخه وروسته په پرله پسې توګه په مختلفو څانګو کي محصلان جذب کړي دي، چي تر اوس مهاله پنځه دوري فارغان ټولني ته د خدمت له پاره وړاندي کړي دي. همدارنګه دغه پوهنځی د شپې برخه هم لري. په (۱۳۹۲ل.) کال کي د اقتصاد شپې پوهنځی منظور او د (۵۵) تنو محصلانو په جذب سره ئې په تدریس پیل وکړ، چي اوس مهال د اقتصاد پوهنځی دوه وخته (ورځي او شپې) له خوا په دوو څانګو ( ملي اقتصاد او د منجمنټ او تشبثاتو ادارې) کي و محصلانو ته تدريس کوي،اقتصاد پوهنځی پنځه فعالي څانګي لري، چي عبارت دي له منجمنټ او تشبثاتو ادارې څانګه، ملي اقتصاد څانګه، انترپرونیورشیپ څانګه، مالي او بانکي څانګه او د احصائیه او اکونومتري څانګه.اقتصاد پوهنځی يوازي له دوو څانګو څخه فارغان ورکوي او پاته دري څانګي د ظرفیت لوړوني په حالت کي قرار لري.د اقتصاد پوهنځی د موجوده امکاناتو په نظر کي نیولوسره په دې توانیدلی، چي ټول هغه محصلان، چي دلوړوزدکړو د وزارت له لوري اقتصاد پوهنځی ته ورپیژندل کيږي په منظمه توګه جذب او لازمي تحصلي اسانتیاوي ورته برابري کړي.سربیره پر دې د انیستیوت (۱۴ پاس) څخه فارغ سوي محصلان هم دوهم ټولګۍ ته د کانکور د ازمویني لخوا جذبیږي.د اقتصاد پوهنځی اوس مهال (۲۲) تنه استادان لري، چي د هغه جملې څخه (۱۰) تنه ماسټران دي. او(۱۱) تنه د ماسټري له پاره او یو تن د دوکتورا کولو له پاره د هیواد څخه دباندي تللي او په خپلو زده کړو بوخت دي.

لیرلید:

د اقتصاد پوهنځی به په ملي او سیمه اېزه کچه د اقتصاد په اړوندو څانګو کي مسلکي او په کار پوه فارغانو په روزلو سره سیاله پوهنځی واوسي.

رسالت:

اقتصاد پوهنځی د معیاري تحصیلي نصاب په درلودلو سره، په ملي اقتصاد، احصائیه، بانکدارۍ، اینټرپرېنیورشیپ او مدیریت برخو کي د ټولني د اړتیا او دسیمي د بازار مطابق په کار پوه او وړ تحلیلوونکي او نوښتګر محصلان روزي.

اهداف:

د ټولني د اقتصادي اړتياوو په نظر کي نيول سره د تقاضا او عرضې تشخيصول.

د استادانو، اداري کارمندانو او محصلانو علمي او مسلکي وړتيا لوړول.

په هر اقتصادي سيستم کي د سالمو او اړينو حالتونو تشخيصول.

د مرکزي بانک او دولتي پاليسیو په اقتصادي اهميت باندي پوهېدل.

د احصائيوي او رياضيکي ماډلونو څخه په استفادې د اقتصادي ستونزو تحليلول او تعريفول

اساسي ارزښتونه

  1. د پوهي ايجاد او لاسته راوړنه
  2. د پوهي پلي کوونه
  3. مسليکتوب
  4. همکاره او همايوي اکادميک چاپيريال
  5. د پوهي ساتنه او انتشار
  6. د حقايقو پلټنه
  7. فکري همږغي
  8. د نظرياتو انتقال
  9. اوږدمهاله زده کړه
  10. فکري آزادي
  11. څېړنيز مرکز