انجنیري پوهنځی په ۱۳۸۱ل. / ۲۰۰۰م. کال تاسیس سو. نوموړی پوهنځی ۳۱ استادان لري، چي ۲۷ ئې ماسټران او ۴ ئې د جاپان، ترکيې او سعودي عربستان په مختلفو پوهنتونونو کي د ماسټري او دوکتورا په زده کړو بوخت دي. په پوهنځي کي اوس ۱۰۶۶ محصلان زده کړي کوي او له تاسیس څخه تر اوسه پوري نوموړي پوهنځي ۸۹۳ فارغ محصلان ټولني ته وړاندي کړي دي.

لېرلید:

انجنیري پوهنځی به په ملي او نړۍ واله کچه په کار پوه او د ښه شهرت لرونکو انجنیرانو په روزلو، غوره څېړنو او ښه خدماتو په وړاندي کولو سره د هيواد په بیارغونه او پرمختګ کي مخکښ پوهنځی و اوسي.

رسالت:

انجنیري پوهنځی هڅه کوي، چي د خپلو استادانو د ظرفیت لوړولو، د معیاري نصاب تطبیقولو، مجهز لابراتوار او کتابتون برابرولو، د اړوندو سکتورونو سره د اړیکو ټینګولو او د داسي څېړنو په ترسره کولو سره، چي ټولنه او هيواد اړتیا ورته لري، خپل لېرلید ته ځان ورسوي.

څانګي:

سیول انجنیري

د اوبو او چاپېریال ساتني انجنیري

د انرژي انجنیري

مهندسي