داسلامي تعليماتو څانګي لنډه پېژندنه

اسلامي تعلیماتو څانګه په (۱۳۸۸ل.)کال کي تأسیس سوه، چي د لوړو زده کړو وزارت لخوا په دریو کودنو کي ورته محصلان معرفي کیږي، چي تر اوسه پورې ئې شپږ دورې محصلان ملي ګټو ته متعهد فارغان د اسلامي دعوت او د قانون د حاکمیت په موخه ټولني ته وړاندي کړي.

 لېرليد :(Vision)

د اسلامي تعلیماتو څانګه به متخصص او متعهد خطیبان، داعیان، دیني عالمان او مسلکي ښوونکي د عصري او نویو پر مختګونو په رڼاکي روزي.

رسالت :(Mission)

د اسلامي اصولو او نافذه قوانینو په رڼاکي د لیسانس په کچه متخصص او متعهد کادرونه روزل ترڅو په هیواد او سیمه کي د اسلام ښېګڼي او برترۍ د تبلیغ له لاري خلکو ته ورسیږي.

موخه) :( Goal

ټولني ته د هیواد په کچه د یوې دیني مرجع په توګه خدمات ترسره کول تر څو دیني مراکزو ته د اسلامي علومو تدریس، دعوت او ارشاد په برخه کي ژمن او په اسلامي عقیده ولاړ متخصصین وړاندي کړي. 

د اسلامي تعليماتو څانګي ارزښتونه :

  1. عدالت او د حق پولور ګامونه،
  2. صداقت او د هیواد ملي ګټوته درناوی.
  3. مسلکي زده کړه او تخصص.
  4. بې طرفي او د هر ډول تعصب او تبعیض سره مبارزه.

د پوهنيار وحيدالله اعظمي لنډه پېژندنه

پوهنیار وحیدالله اعظمي د عبدالقهار زوی په (۱۳۶۵ل،)کال کي د غزني ولایت د مرکز اړوند په آرزو کلي کي سترګي دې نړۍ ته غړولي دي.نوموړي خپلي لومړنۍ او منځنۍ دیني زده کړي ئې په خصوصي ډول سره پيل او د بکلوریا سند د لاسته راوړلو له پاره د غزني ولایت جمع اولیاء دارالعلوم ته په (۱۳۸۳ل.)کال کي شامل او په (۱۳۸۵ل.)کال کي له نوموړي دارالعلوم څخه فارغ سو.اعظمي په (۱۳۸۶ل.)کال کي د لوړو زده کړو د ترلاسه کولو په موخه هرات پوهنتون شرعیاتو پوهنځی ته شامل او په (۱۳۸۹ل.)کال کي د اسلامي تعلیماتو له څانګي څخه فارغ او په (۱۳۹۱ل.) کال کي د کندهار پوهنتون د شرعیاتو پوهنځی په اسلامي تعلیماتو څانګه کي د علمي  غړي په توګه مقرر سو او په (۱۳۹۲ل.)کال کي د ماسټري د ترلاسه کولو په موخه ننګرهار پوهنتون شرعیاتو پوهنځی ته ولاړ او له نوموړي پوهنتون څخه ئې د تفسیر او حدیث په رشته کي ماسټري تر لاسه کړه.

ښاغلی اعظمي په کندهار پوهنتون کي د تدريس ترڅنګ د اسلامي تعلیماتو د څانګي د آمریت کارونه هم پر مخ وړي.

چاپ سوي علمي ليکني:

الف: علمي اثر

۱- جایګاه رفیع انسان در پرتوآیات قرآن و بررسی مقام آن در جامعه افغانی

ب: علمي مقالې  

۱- نقش پیامبر در برقراری صلح :     

۲-  عوامل و اهمیت کار در زندګی بشر

۳-  صلح و امنیت در آموزه های اسلامی