د ښووني او روزني پوهنځی لنډه پېژندنه:

د ښووني او روزني پوهنځی د کندهار پوهنتون په چوکات کي په ۱۳۸۲ کال  کښي، يواځي د رياضي ديپارتمنت سره، د زارعت، طب، انجنيري پوهنځيو څخه  وروسته تاسيس سو.  چي په پيل کي يواځي ۲۰ تنه محصلان په همدې پوهنځی کي جذب او د څلور تنو استادانو له خو ورته تدریس کېده. د دې پوهنځی د تاسيس اصلي موخه زموږ د وياړلي هېواد د معارف په ډګر کښي د ستونزو درک وو، دا چي په دې هېواد کښي د څولسيزو جګړو څخه وروسته زموږ ښوونيز نظام د ړنګېدو سره مخ وو، نو کندهار پوهنتون رهبريت د لوړو زده کړو وزارت  د هڅو سره يو ځای د دې پوهنځی د تاسيس ډبره کښېښوده. د تاسيس څخه تر اوسه د ښووني او روزني پوهنځی د درو 3000)) زرو څخه زيات نارينه او ښځينه محصلان جذب کړي. چي له نیکه مرغه د شمېر له کبله د ښووني او روزني پوهنځی د ټولو پوهنځيانو په پرتله يوه مخکښ پوهنځی دی. د دې پوهنځی محصلان په مختلفو څانګو کي په دوو شفتونو کي سهار او ماپښين په تحصيل بوخت دي، چي د ۶۴ تنو استادانو له خوا ورته تدریس کېږي. دا پوهنځی په خپل چوکات کښي د شپې پوهنځی هم لري، چي د لومړی ځل له پاره په ۱۳۸۹ ل. کال کي ايجاد سو او د  تا سيس څخه وروسته په پرله پسي توګه فارغين د پښتو، رياضي، بيولوژي، انګليسي، دري، کېميا، اسلامي ثقافت، جغرافیه، بدني روزنه او تاریخ د څانګو څخه ټولني ته د خدمت له پاره  وړاندي کوي. په دې برخه کي دولتي مامورين او آزاد اشخاص، چي د ورځي له خوا مصروفيتونه لري او د شپې له خوا  ورته د تحصيل زمينه مساعده سوی ده.

علاو د شپې پر پوهنځی، دغه پوهنځی داخل خدمت محصلان د يوې ځانګړي ازمويني د آخيستلو څخه ورسته جذبوي او د لومړی ځل له پاره په کال ۱۳۸۹ د دارالمعلمینونو د فارغينو څخه امتحان واخيستل سو او د هغه څخه وروسته په پرله پسي توګه  دا لړی جريان لري.   په دې برخه کښي يواځي هغه کسان ګډون کولای سي، چي په دولتي ښوونځيو کي برحاله ښوونکي وي.

ليرليد:

د ښووني او روزني په ډګر کښي د پياوړي او سېکمن فکري بدلون او  پر مختګ راوستل

رسالت:

د افغاني ټولني له پاره د پياوړو او مسلکي ښوونکو روزل  او د ګټور او تکړه ښوونيز او روزنيز سيستم ايجادول.

هدف:

داسي علمي او اکادميک کادرونه روزل، چي په ملي او نړي واله کچه منلي، اسلامي او افغاني  فرهنګ ته وفا دار او د هغه د پياوړتيا او پراختيا له پاره کار وکړي.

ارزښتونه:

 د ملي او اسلامي شؤناتو درناوی

 د ولس د معنوي او مادي پرمختګ او ودي ټینګ هوډ

 د بشر د ژوند لوړ مقام او انساني  کرامت ته در ناوی

 د ټولنيزو مسؤليتونو پېژندنه 

 د خپلي پوهي په مرسته نورو ته ګټه رسونه

 محصلانو ته د لوړ  او آزاد فکر  روحيه ورکول

 د خپل فرهنګ او دودونو وده او پراختيا

 د ژورو علمي څېړنو او نوښتونو لور ته پاملرنه

 مسلکي- علمي پوهه

 ډله ايز کار او يو له بله سره همکاري

 د ټولني راتلونکو نسلونو ته د ښووني او روزني د درانه مسؤليت د احساس لېږد.

د داخل خدمت برخه:

د ښووني او روزني پوهنځی د لومړي ځل له پاره په ۱۳۸۹ ل.کال کښي د داخل خدمت له پاره د تحصیل زمينه مساعده کړه.

د داخل-خدمت د شمولیت شرايط

د هغو ښوونکو د شمول شرايط، چي د ۱۴ م ټولګي د مؤسساتو څخه فارغ سوي په لاندي ډول دي:

1. د پوهني وزات له خوا د ۱۴م ټولګي د فراغت تاييد سوی سند.
2. د پوهني وزات له خوا د ۱۴م ټولګي تاييد سوي د تحصیلي دوري نمرې(ترانسکريپت).
3. د پوهني وزات له خوا او يا د پوهني رياست له خوا د برحاله ښوونکي تصديق.
4. د تحصیلي سند مشخصوالي (رشته او څانګه يې بايد مشخص سوی وي).
5. د ځانګړي امتحان ورکول

د  ۱۳۸۸ ل.کال څخه مخکي فارغ ، په يو کال تنزيل په اړوند څانګه کي شامليږي.

د ښووني او روزني پوهنځی  اوس مهال ۶۴ تنه کادري استادان لري، چي د هغه له جملې څخه ۱۹ تنه ماستران، يو تن دوکتور او ۴۴ تنه ليسانس دي. د ا پوهنځی هڅه کوي، چي د لومړيتوبونو پر اساس او د څانګو د اړتياو سره سم په دوامدراه توګه د خپل کادري استادانو او اداري کارمندانو د ظرفيتونو او مهارتونو د لوړاوي په منظور؛ ماستري، دوکتورا،  او لنډ مهال ورکشاپونو له پاره  داخلي او خارجي پوهنتونونو ته وليږي.  دغه پوهنځی په خپل چوکات کښي يو څيړنيز مرکز، د کيفیت د لوړاوي څانګه او  PDC   مرکز لري.

څېړنيز مرکز:

دا چي د نړی په کچه د اکادميکو مرکزونو له پاره څيړنه  او څيړنيز مرکز خورا اړين وي، نو په دې خاطر د کندهار پوهنتون د ښووني او روزني پوهنځی دا مرکز استادانو او محصلانو ته د څېړني د ترسره کولو زمينه مساعده کړی او هڅه کوي، چي د داخلي او خارجي مؤسساتو څخه د څېړنو له پاره فنډ ترلاسه کړي. دغه مرکز د استادانو د خارجي او داخلي فند ورکوونکو موسساتو ترمنځ د  يو پل حیثت لري. په دې مرکز کښي مجرب او ماستر استادان د يو ټيم په توګه کار کوي.

د کيفيت د ارتقا څانګه:

 ښووني او روزني پوهنځی د خپل تعهد او ژمنتیا سره سم د کميت ترڅنګ پر کيفت باندي هم ټينګار کوي او په دې هڅه کي دی، چي د کميت ترڅنګ اداري، تدريسي، اکادميکي او څيړنيز کيفیتونو ته هم ارتقا ورکړي. نو په دې موخه دغه څانګه د ښووني او روزني پوهنځی په چوکات کښي د لومړي ځل له پاره په ۱۳۹۱ ل.کال کي ايجاد او د نړيوالو نورمونو په پوره کولو سره يولس ګوني معيارونه پرځان تطبيقوي، چي له نیکه مرغه په لږ وخت کښي درې ديپارتمنتونه، بيولوژي، دري او  رياضې څانګي د يولس معيارونو په تطبيق سره د کندهار پوهنتون د ارتقاء مرکز له لوري د کاميابي نمرې ترلاسه کړي او موږ يقين لرو، چي په راتلوونکي کي زموږ ډير نور ډيپارتمنتونو د کاميابي نمرې ترلاسه کړي.

د استادانو د ظرفیت لوړوني مرکز:

د استادانو د ظرفيت لوړوني مرکز  Professional Development center  د ښووني او روزني پوهنځی په چوکات کښي په ۱۳۸۶ ل کال کښي د بانک جهاني په مالي ملاتړ تاسيس او د هغه نېټې څخه وروسته په پرله پسي توګه د استادانو د ظرفيت د لوړولو په موخه  پيدا ګوژيک ورکشاپونه دايروي.  د دې مرکز اصلي موخه  داده، چي د ښووني او روزني پوهنځی استادانو ته نوی او تازه مهارتونه ور وپېژني. دا چي د زده کړي نوعيت او ډول د تکنالوژي د پرمختګ سره او هم د پوهي د پراختيا سره د تدريس طریقې بدلون مومي؛ نو په دې اساس دغه مرکز هڅه کوي، چي زموږ  د تدريس او ښوونيزه پروسه د نړيوالو ميتودنو سره مله کړي.

دغه مرکز اوسمهال د FPDC   Faculty professional development center  په نامه پيژندل کېږي او د اړتياوو پر اساس نه يواځي خپل فعاليت د ښووني او روزني پوهنځی په چوکات کښي محدودوي بلکه د ټول پوهنتون استادان تر پوښښ لاندې راولي. علاوه پر دې  دغه مرکز هڅه کوي، چي د پوهني د ستونز په درکولو سره د مختلفو څانګو د ښوونکو له پاره پيداګوژيک کورسونه داير کړي.