تاریخچه

تاریخچه:

 کمپيوټرساينس پوهنځۍ د۲۰۱۴ کال دجون په مياشت کي تاسيس سوه. اوموخه ئي دسيمي او ټول هيواد په کچه په لاندي برخو لکه Software Engineering, Database and Information System and Networking کي دکمپيوټر دعلم ماهران روزل دي . پوهنځۍ دپورته دريو ذکرشويو برخوپه اساس ددريو څانګو څخه تشکل سوي ده، چي په دغه اړوندو څانګو کي به دليسانس تردرجي پوري فارغين ورکوي.دغه علمي مرکز ۸ تنه فعاله او برحاله استادان لري چي دهغوي دجملې څخه يي۴ تنه استادان ماسټران، ۳ تنه استادان ليسانسه او يوتن استاد يي اوس مهال په بهرني  هيواد کي دماسټر‎ۍ په زده کړو بوخت دي.پوهنځۍ په تيروتنه برحاله محصلين لري، اوس دلنډ مهال له پاره دکمپيوټرساينس پوهنځۍ دخپل ځانګړۍ تعمير دنه درلودلو له کبله دکندهارپوهنتون دمعلوماتي تکنالوژۍ په مرکزITCQ کي ځاي لري. پوهنځۍ دټولو دولتي ، شخصي او صنعتي سکتورونو داړتياوو په نظر کي نيولو سره يو څلورکلن نصاب لري چي دلوړوزده کړودوزارت له خوا تصويب سوي دي.دپوهنځۍ تدريسي مواد لکه تدريسي کتابونه، لکچرونه، ازمويني او کورني دندي دنورو نړيوالو پرمختلو پوهنتونو دنصابونو څخه په ګټه اخستلو سره تقريبا ۹۵٪ په انګليسي ژبه باندي ترتيب دي . 

ليرليد:

دهيواد دمعلوماتي اومخابراتي ټکنالوژي په برخه کي ديومخکښ په توګه دپرمختللو زده کړو اوڅيړنو له پاره دزميني برابرول او دمسلکي کادرونو روزل دي .

رسالت:

په اړونده برخه کي سالمه روزنه، ابتکار او ځاني پرمختګ ته ښه وده ورکول،دسيمه ييزو او نړيوالو علمي موسساتو په مرسته دتحقيقاتو له پاره لاره هوارول، دټولني دښه والي له پاره داغېزمنو خدمتونو وړاندي کول.

موخي:

  • دظرفيتونو دلوړولو پروګرامونه
  • دلسانس په سطحه دملي او نړيواله معيار دلوړيدو په منظور دمعاصرو او معياري پروګرامونو او موادو چمتو کول
  • زيربنايي  فعاليتونو ته وده ورکول