تاريخچه

تاریخچه:

کندهارپوهنتون انجنیري پوهنځی د۱۳۷۹لمریزکال دمېزان په میاشت کي تأسیس سول.نوموړې پوهنځی څلورفعالي تدریسي څانګي لري لکه سيول څانګه ،داوبو اوچاپېریال انجنیري څانګه-انرژي څانګه او مهندسي څانګي لري.دسيول څانګي تدريسي نصاب دکنساس سټیټ پوهنتون اوکابل پوهنتون انجنیري پوهنځي په ګډه همکاري ترتیب سوی اوهمدا ډول داوبو او چاپېریال انجنیري څانګي تدریسي نصاب دآسيا دتکنالوژي انستیتيوت(Asian Institute of Technology)او کندهارپوهنتون په ګډه همکاري ترتیب سوی دئ.پنځه نوي سلنه کتابونه ، تدریسي مواد او کورنۍ دندي په انګلیسي ژبه دي ، کندهارپوهنتون انجنیري پوهنځی تراوسه پوري ۴۸۸ تنه انجنیران ټولني ته دخدمت په موخه وړاندي کړي او۵۳۰ تنه محصلینو ته د۲۹ تنو رسمي او۴ تنو افختاري استادانو لخوا تدریس کیږي.

لېرليد:

دانجنیري پوهنځی غواړي چي دهېواد په کچه مخکښه او په نړیواله کچه د ښه شهرت لرونکې پوهنځی وي، ترڅو وړ او په کار پوه انجنیران وروزي ، په ملي کچه علمي څېړني او خدمات وړاندي او د هېواد په بیا رغونه او پرمختګ کي مهم رول ولوبوي.

رسالت:

انجنیري پوهنځی هڅه کوي ترڅو دمحصلینو،استادانو او کارکونکو لپاره دمسلکي او اخلاقي معیارونو په رُڼا کي دانجنيري په مختلفو څانګو کي دعلمي پوهي دلاسته راوړلو ، شریکولو ، اوعملي کولو لپاره مناسبه زمینه برابره کړي، ترڅو دخپلي پوهي ، ابتکاراتو او څېړنو په مرسته وکولای سي خپل هیواد دژوند کولو(هستوګني) لپاره مناسب ځای وګرځوي.